今日綿綿好叻叻, 又踢腳又識得用手仔遮面呀

綿綿現在的體重將近兩磅，身長從頭到腳大約 14 英吋。聽說, 在出生前，隨著BB脂肪的快速累積，她的體重會增加超過現在的三倍以上。BB需要那些脂肪來幫助她適應子宮外較冷的溫度，這些脂肪同時也是BB生命 開始的第一天所需能量和熱量的來源。通常新生兒，特別是餵母乳的BB，不會在第一週減少重量（有時體重會比出生時少 10%）。

BB耳朵裡的神經線路正在發展，這表示她對聲音越來越有反應了。隨著BB繼續在羊水中小小的呼吸，她的肺也正在發育中。這些小呼吸對於BB出生後，吸到第一口空氣是很好的練習。

今日我地O既Appointment 係10:00a.m., 因為老公今日返5:00p.m., 所以, 佢可以同我地一齊去覆診. ^v^.. 綿綿囡囡真幸福....

今日我地遲o左出門, 成10:15a.m. 先到PWH. 做完例行檢查, 一切正常, 但已經10:30 a.m.. 到10:45a.m., 終於到我地見Dr. Law, 我地一入房, Dr. Law就好細心咁問我有沒有什麼特別唔舒服, 我同佢講有d肚痛,佢就望一望我個肚. 佢話我個肚都幾大, 叫我訓上床照一照超聲波. 今日囡囡好乖, 佢可能知道daddy都睇緊佢, 一照超聲波囡囡就郁, 佢仲好叻叻, 識得又踢腳仔又用手仔遮面... daddy都讚佢好cute好叻叻好得意呀.

Dr. Law今次俾我地o既相, 見到囡囡成個頭. 囡囡個眼球好大, 個咀型就似我, 仲有, 佢而家已經有兩個面珠"登", 肥o者o者, 真係好cute好想咬佢. 囡囡, daddy mami 好愛妳... 你而家約800g (around 2磅), 腳仔長度就中size. 囡囡好叻叻, 妳要加油呀, 吸收多d, 快高長大呀...

我的舊曆生日

每年O既舊曆生日, 家人必定聚首一堂慶祝一番. 我們除了為生日O既主角慶祝外, 亦係感謝媽咪辛辛苦苦懷胎十月O既日子.

今年, 我O既舊曆生日, 我地就去了東涌機場富豪酒店食中式Buffet (有蟹皇翅, 大扇貝, 龍蝦仔, 焗布甸等... ), 任叫任食, 好好味, yummy yummy...

PWH物理治療 ~ 產前產後護理篇 (2)

今日係第二堂o既產前產後運動班. 下午放工後, 我同囡囡先去醫肚, 之後慢慢去PWH. 今日我約O左Crystie 3:30P.M. 係物理治療部等.

唔知係咪今堂要做Practice 同地方有限的關係, 原本上堂約有1X個孕婦, 今堂只有6個. 今日O既產前運動約有6式, 產後運動都有好幾款, 姑娘提我地產後運動最好做到BB 6個月, 咁先至對產婦身體復原好. 而我同綿綿仲俾姑娘讚, 讚我地做得好好. 囡囡, 我地好叻呀...

Merry Christmas!!

今年o既平安夜好特別, 因為, 今年係我同老公o既第一個愛情結晶品 ~~ 綿綿~~ 第一次一齊渡過o既日子.


綿綿而家已經25周零2日, 佢係我o既肚入面, 好溫暖. 而當佢係我個肚入面郁動o既時候, 佢俾我o既感覺真係好神奇. 而呢種感覺, 係連老公都feel 唔到, 非筆墨可以形容. 雖然, 老公今年o既平安夜去到29號都要返工, 但佢今日已經打o左好多次電話俾我同囡囡. 我知道老公都好掛住我地, 好想同我地一齊倒數, 不過, 唔緊要啦, 有心就得啦, 我同綿綿明白o既... 始終, 男人要以事業為重... daddy, 綿綿同我都好愛你o架.. 你要加油呀.... ^o^

PWH物理治療 ~ 產前產後護理篇 (1)

今日book o左4:15p.m. 上堂 ~~ > PWH物理治療 ~ 產前產後護理篇

我地3:55p.m. 已到PWH 物理治療部. 因為所有PWH O既物理治療都係度登記, 所以好多人. 我地登記完, 已經見到有5-6 個孕婦係度等. 到了4:15P.M. , 我地入房啦, 今次O既物理治療有2堂, 第一堂係理論, 第二堂係實習. 今日因為係理論課, 所以都集中講解"產前運動", "會陰運動", 生產時O既呼吸法" & " 產後運動". 好準時, 5:15P.M. 就完. 物理治療師 - 李姑娘臨走時, 提我們要回家睇熟NOTES, 因為下堂正式做運動, 要有基本知識.

呢堂孕婦物理治療課, 要經婦產科醫生轉介, 一般人士收費$60, 但我係公務員家屬, 所以免費. 又慳 o左錢喇, 真開心.

BB已經掉頭了~~~ 真叻叻...

今日囡囡已經23周半.

寶寶正在穩定成長中，比上個星期她又重了 1/4 磅。由於她的身高大約一英呎長，所以看起來很瘦，但她的身體則照比例變豐滿。

寶寶的皮膚很薄、呈半透明狀，而且還皺皺的；她的大腦正迅速生長，她的味蕾可能已經開始作用了。肺部正在發育呼吸「樹」的「分支」以及製造界面活化劑的細胞。界面活化劑是一種可以幫助氣囊膨脹的物質。

妳 的寶寶可以聽到越來越多聲音了，妳可能也注意到她會被大聲、突然的噪音給嚇到。但她可能對家中常聽到的聲音感到習慣，如小狗的吠聲、吸塵器的轟轟聲等。許 多新手爸爸媽媽在寶寶剛出生時對於這些聲音一點都不膽怯的表現感到驚訝，但如果妳仔細想想，寶寶已經有好幾個月的時間適應這些聲音了。

我今日約o左10:20 a.m. 到私家診所檢查. 今日其實都好好彩, 本來遇o左一個人去同綿綿見面. 不過, 返o左成個星期通宵更o既老公, 趕得切放工後到TST陪我地.

老公一到, 都未抖順條氣, 就聽到姑娘叫我個名. 見到Dr. Chan , 就例牌先訓上床, 照照超聲波先. Hello, 我o既寶貝女 ~~ 小綿綿, 媽咪爹o地好想你呀... 今個星期因為患o左少少感冒, 所以我都有帶埋d藥俾醫生睇o下, 但求安心. Dr. Chan睇完d藥, 都話冇事, 放心哂. 佢仲同我講, 話懷胎10月, 要一次都唔病都幾難, 叫我唔駛擔心.

Dr. Chan 讚綿綿好叻, 好標準, 而家有約1磅半, 掉o左頭, 非常標準, 吸收得好好. 綿綿呀... 你要記住繼續叻叻, 繼續吸收營養, 快高長大呀.. mami daddy o既小寶貝 *v*

病了 v_v

BB今日23周喇...

寶寶的身高超過11英吋，體重也超過一磅了。他現在可能可以感覺到妳的動作了，所以放些有趣的音樂，或者在屋裡跳點舞吧。無論寶寶是哪一種族，在這 一階段他的皮膚都是紅紅皺皺的，出生時也通常是粉紅色或帶點紅色的。寶寶透明皮膚下的紅色血管是造成這種現象的原因。他的真正膚色會隨著第一年的成長發展 而逐漸定色。

寶寶肺部的血管正在發育以便他將來能呼吸，但完整的肺部發育還需要幾個月的時間。肺部是寶寶最後發育完成的器官。但而家開始有水腫了.

本來又係同佢慶祝o既時候. 可惜, 近2日天氣突然轉涼, 又落雨. 而家香港又進入了流感季節, 日日搭火車巴士都帶口罩o既我, 都病了.

其實, 我已經好小心, 但好無耐地病了... 因為始終覺得食藥對bb唔好, 所以我已經搭車帶口罩, 成日洗手. 可是, 自星期日中午, 我已經開始流鼻水, 晚上開始有d咳.. 到昨日早上, 仲嘔... 不過, 昨日實在太忙, 所以都有返工. 但今日, 終於請了病假. 因為怕遲了多人, 所以, 一早8:30a.m.就去了樓下o既診所睇醫生. 不過都好多人, 等到9:15a.m., 終於到我了. 我同醫生講, 我有了bb, 同埋其他病徵, 跟住, 醫生就摸摸我個肚, 聽下我, 就開d藥俾我, 叫我休息多d. bb, 你要同媽咪加油, 打倒病魔... yeah~~~~

又同BB見面喇 (PWH)

BB今日22周了 ~~~ 寶寶現在看起來就像小一號的新生兒了，身長大約 10.9 英吋，重約一磅。她的皮膚會持續看起來皺皺的直到她有足夠的體重可以把皮撐起來。佈滿頭部和身體的細毛（胎毛）現在也看得到了。寶寶的眼睛已經發育了，雖然瞳孔（眼睛的有色部分）還缺乏一些色素。 她的胰腺（產生賀爾蒙的重要器官）也穩定地發育著。寶寶的嘴唇也越來越明顯，隨著牙齦下方齒胚的出現，牙齒的第一個跡象也出現了。

今日我又去PWH 進行例行檢查. 今日真係一肚氣 V_V... 激死...

今日我O既BOOKING係10:00A.M. , 我知遲了一定很多人, 所以9:40 A.M. 就到了PWH 婦產科, 進行了例行檢查 - 度高, 磅重, 驗小便. 9:50A.M. 就座好, 係度等姑娘叫MIC. 因為下午要返工O既原故, 所以好想快D見完Dr. Law就坐巴士去灣仔食lunch ... 一切諗起來好似好完美.. 但係, 就咁就換來一肚氣...

我知我今日早了, 所以本來都好有耐心等. 雖然, 我o既booking 係10:00a.m, 我都預o左等. 點知等呀等, 等呀等.... 等到本來同我一齊等o既媽媽大部份都走了, 我覺得有d唔妥, 到10:45a.m. , 我終於忍唔住, 走去詢問處問一問, 點知個阿姐一睇到我張紙, check 都冇check, 好快咁就話"係咁o架啦, 就快到你"... ---- 真係態度好差.... 不過, 我算, 俾面佢係阿姐, 我再等... 等到11:00 a.m. , 真係好唔妥, 我又走去詢問處問.. 點知又係果個阿姐.... 於是, 我就同佢講我等o左成個鐘, 想睇下有冇問題. 佢又同我講, 話d file 拎哂入去, 叫我再等... 到11:15a.m. , 我終於忍唔住, 又再去問, 問佢地其實 Dr. Law有冇返. 佢地幾個一齊同我講Dr. Law返o左, 又叫我等... 我忍唔住同佢講, 我等o左個幾鐘, 好嬲咁行開. 不過我聽到個阿姐今次自己都話點解呢個要等成個鐘咁耐. 真係成肚氣....

到了11:30a.m. , 終於到我了. 不過, 今次Dr. Law 好似好趕咁, 入去唔夠5mins, 就出返o黎... v_v

PWH超聲波結構及子宮頸檢查

今日, 我同BB去PWH進行超聲波結構及子宮頸檢查. 我地約o左9:00 a.m., 又係返工時間, 非常多人.

今次進行超聲波結構及子宮頸檢查o既地方, 係另一座大樓. 我同bb 搵o左一陣, 9:05a.m.先 到達. 替我同bb檢查o既護士好心急, 佢一見我, 就問我個名, 話剛剛打o左俾我同留o左voicemail. 佢話, 因為booking 9:00a.m. 有2個媽媽, 如果一個做緊checking, 另一個就要等20mins. 但佢都唔知點解d booking次次都會係咁.

唔知係咪上星期先係私家診所做完同樣o既檢查, 所以今次一d都唔覺得好奇, 而感覺亦同以往做超聲波差不多.... 完成超聲波結構檢查後, 姑娘就叫我到房外梳化坐坐, 再等一等. 等o左15 mins, 到鄰房o既醫生叫我. 原本, 我以為PWH o既超聲波結構檢查係同私家診所有分別, 所以要分2間房做. 點知, 當我入第2間房, 同醫生簡單核對完個人資料後, 我o既心嚇了一跳. 原來這個係子宮頸檢查. 我見到張檢查床, 不禁担白咁同醫生講"我很怕做這類檢查".. 不過, 到了這地步, 唯有死頂. 這個檢查, 係量度一下子宮頸長度. 因為, 醫生話有資料顯示, 子宮頸短o既準媽媽, 流產o既機會都會大d. 不過, 我屬於正常, 所以不用担心.... 雖然, 這頂突如其來o既子宮頸檢查聽落好似幾重要, 不過, 如果我知今日要做這檢查, 我一定叫老公陪我.

胎兒研究人員表示，寶寶甚至可以在一個小時的睡眠時間中移動大約50次左右。所有的動作都有助刺激寶寶的生理和心理發展。或許在白天妳不會注意到寶寶踢妳、捶妳或快速轉動了50次；但當夜晚妳準備好休息的時候，可別太訝異妳的小傢伙活動得十分頻密。

超聲波結構檢查

BB今日20周喇.... ^v^... 我地今日Book o左4:30p.m.去私家診所做超聲波結構檢查. 今日天氣好好好凍, 天文台發出o左今日首個寒冷天氣警告, 氣溫得13度 ~~~ 好凍呀 ~~~.

我同老公同BB今日o既行程好full. 首先, 我地食完午飯, 就坐巴士去中環, 睇bb野同買表妹介紹o既孕婦魚油丸 (雖然人人都講食新鮮魚好, 不過, 自從有o左bb後, 一嗅到魚味就想嘔, 好唔舒服.. 唯有食有omega 3 & 6, DHA o既supplement代替啦... 好過唔食嘛....) 之後, 因為怕下午診所會多人, 所以雖然約o左4:30p.m. , 但我同老公決定早d上去, 希望快d檢查完, 就去旺角睇bb野同老公d衫... 點知.... 當我做完列行檢查 ~ 磅重 (大件事, 又重o左2kg), 量血壓, 留小便... 姑娘再叫我個名, 原來今日下午人太多, 要遲一個鐘先到我地.

因為出面實在太凍, 我地好在帶o左部net book, 所以就留係clinic 上網. 一個鐘頭15分鐘後 (約5:45p.m.), 終於聽到我個名. BB, 我地又見面喇.... 因為今次主要照bb 結構, 所以一開始, 就見到bb o既心仔不斷係度跳跳跳( 左右心房, 心血管, 動靜脈等....), 好得意... 醫生check完, 一切正常. 之後, 仲check埋其它器官, 腦同骨, 都一切正常. 不過, 成個過程, 唔知係咪天氣太凍, bb 都好似訓o左咁, 要醫生間唔中用支超聲波棒去刺激佢. 不過, check o左約40mins, 我地以為好快就得啦... 可以行街街, 點知到check 最後一part - 右耳, bb 係都唔轉身俾醫生check. 醫生再用枝超聲波棒去刺激佢, 佢都唔郁. 醫生唯有叫我地出去行行, 唔好坐, 等佢睇完下一個, 一個鐘頭後先到我地. 救命.... 果時都6點幾, 我地唯有去食野, 食完再check. 最終, 我地成7:30p.m. 先離開診所, 又天寒地凍, 食完野就返屋企. 咁就一日喇..

我o既肚好似西瓜波

BB仲有3日就20周喇. 唔知係咪換o左套孕婦制服, BB呢幾日大得好快. 照鏡睇, 仲好似西瓜波, 好得意.... ^V^

BB, 你開始大個喇, 記住係媽咪o既肚內盡量 吸 ~~~ 吸 ~~~ 吸 ~~~ 吸收多D營養, 健康成長呀.... 鍚啖先... 嘻嘻...

我o既孕婦制服大到好韓服!!!

唔經唔覺, BB就快20周喇... 我亦開始見肚. 返工平時著o既半截裙制服, 亦開始唔o岩著. 我為o左唔阻礙BBo既成長, 自從放完大假後, 我就換上孕婦制服.

訂制服時, 一心諗住個肚會大得快, 所以孕婦裙同恤衫都訂大了一個Size... 點知, 剛開始踏入孕婦中期o既我, 著起套U, 條裙同件恤衫大到好似大長今D韓服咁... 真係笑死人... D同事仲幫我起o左個新名 ~~~ "長今" o既呢....

好在, 下個月就換冬季制服. 而我地o既冬季制服, 係有專人度身, 雖然佢都會預大D, 不過, 我希望到時o既效果, 唔會好似套夏季U 咁誇張啦....

老公按摩真舒服

個肚越來越大喇.....

自從上兩次抽筋後, 成日都好怕案件重現 ~~ 再抽筋. 好在, 老公真係對我同bb 好好, 佢怕我又再次半夜抽筋冇得訓 (當然, 我冇得訓, 佢都冇得訓啦), 而家每晚就算幾夜放工或者佢幾倦都好, 我們臨訓前, 老公都會幫我按按小腿, 等d血液循環得好d, 減少抽筋o既機會. 有時我見到佢好倦, 都幫我按摩小腿, 都覺得佢好可憐, 但又覺得自己好幸福... 嘻嘻 ~~~~ 老公, 我同bb都鍚哂你啦...*v*

BB已經19周喇!!!!

我同老公o既小寶貝唔經唔覺已經19周喇. 老公因為上次去了公幹, 同唔到我地慶祝已經踏入懷孕中期o既大日子. 所以, 昨日特意買o左個芒果蛋糕同BB補祝. BB, 你睇下, Daddy 幾錫我地倆人.

今日BB已經19周喇, 懷孕期已經差不多過o左一半. 根據資料所講, 我肚內o既小寶貝, 已經開始識得聽我地講野. 所以, 由而家開始, 我同老公都要進行多d胎教... 同BB傾計, 唱歌, 讀書俾佢聽. BB, 你要俾心機學習呀 *V*

第二次抽筋

唉... 又係半夜3, 4 點抽筋. 今次第2次, 輪到右腳. 抽o左約5秒, 我摸到抽筋果舊muscle 好硬, 好痛. 不過, 好在老公係度幫我按摩先冇事....

唔通佢係~~百厭B ??!!

不經不覺, 我同老公o既小寶貝, 已經17周零3日了. 因為上次去PWH, Dr. Law 病o左, 所以Dr. Law今個月特登幫我安排多一次覆診. 今日因為係臨時加插, 所以老公請唔到假. 不過唔緊要啦, 老公為o左陪我同bb, 今個月已經請o左2次假, 我就話有attendance cert. 拎, 但佢冇o既, 始終男人應要以事業為重, 我同bb都唔想影響到daddy 工作.. *v*... 所以我今日都唔請埋下午假, 留返下次同老公一齊放.

今日約o左9:30a.m. , 始終係返工時間, 所以又好塞車. 我同bb好趕, 9:25a.m. 先到PWH, 我行得好快, 因為公立醫院孕婦很多, 遲o左就有排等. 登記完, 我同bb先做例行檢查 ~ 磅重, 量血壓, 驗小便... 全部正常, 不過又重了1kg, 睇o黎, 我都要注意飲食, 因為Dr. Law 話成個懷孕期, 約重12kg最好, 如果唔係就驚超重, 唔健康.

等了約15mins, 終於聽到我個名, 輪到我了. Hello 我o既小寶貝, 我地又見面了. 一入到房, 同Dr. Law 打完招呼, Dr. Law又同我講唔好意思, 話上次病了幫唔到我覆診. 攪到我都好唔好意思.... 我實在覺得自己好幸福, 因為本來今年Dr. 要做research, 唔接case, 但我妹妹搵佢, 佢都肯接我, 所以每次佢都係特登過o黎睇我... Dr. Law真係好好, 好溫柔, 好細心, 每次都好詳細咁解答我o既問題... 唔怪知我表妹都極力推薦啦... 當我做超聲波時, 我見到bb今日醒o左, 手仔同腳仔不斷撐撐撐~~~ 好似游緊水咁, 好得意呀.... 我問Dr. Law 睇唔睇到bb係男定女, 佢話bb今日雙腳合得好埋. 於是, Dr. Law 係我個肚上面輕輕一壓, 好神奇, bb雙腳輕輕分開. 於是, Dr. 再壓多2下.. 哈哈, 呢個百厭b竟好似2郎神咁將右腳曲放係左腳上面, 好粗魯呀~~~~ ... 連Dr. Law都好驚呀咁講 "佢咁撓隻腳o既".. BB 而家有11.37 cm (不過這是大概, 因bb 開始曲埋d手仔腳仔)... 約200g, 好標準. 跟住就度bb o既頭圍同直經.. 唔, 好好, 好標準... Dr. Law用盡辦法, 2D, 3D都照哂, 都冇辦法睇到bb係男定女. 不過, 佢真係好好, 照o左成15-20 分鐘, 好細心. 佢話要5個月時再照, 可能先睇到. 冇法啦... 不過, 只要bb健健康康, 男仔定女仔都冇所謂啦... 反正佢乖乖同健康成長, 仔女都係自己o既小朋友... bb , daddy mami 好愛你呀... 但Dr. Law 話今次係最後一次o係超聲波見哂成個BB, 因為BB開始大喇, 晝面唔夠位, 下次要逐part照喇...

BB, 我地又見面喇...

今日係第二次去私家醫生照超聲波. 今日, 我同老公8:15a.m. 就起身, 諗住慢慢同 bb 一齊去TST 食早餐.

我地今日去o左我好鐘意食o既澳門冰室食早餐. 佢地o既奶油脆豬 (即係烘o左o既豬仔包上面夾一片牛油 ~~~ 好肥呀... ), 真係好好味.

我地book o左10:10 a.m. 見醫生, 我地一家3口, 食完一個好好味o既早餐, 再手拖手慢慢行去診所, 好溫馨呀... 去到診所, 唔知係咪早, 唔係咁多人. 又係同我地o既小寶貝 say HI o既時候喇... 當我訓上床照超聲波... HELLO , 小寶貝, 我o既眼淚即刻想湧出來, 當bb o既腳仔撐撐, 老公感動到捉住我隻手.

我地離開診所, 就開始今日睇bb野o既行程. 我地o既第一站, 就係去灣仔, 因聽我表妹講, mattel 開倉, 好多bb玩具. 我地去到, 好多野想買, 不過諗深一層, bb 出年4月先出世, 而且d玩具, 要大d先識玩. 於是, 就乜都冇買.

之後, 我地就去o左太古城o既永安同jusco, 睇bb 野, 佢地做緊discount. 我同老公一到, 就去o左bb 部, 好多人呀... 好多大肚婆呀.. 老公同我拎住朋友send 俾我地個list, 一路揀一路比較. 老公好有心機去compare, 每件產品o既material, 成分, 邊度做都睇得好仔細, 嘻嘻, 而我, 睇睇o下, 都係等老公比較, 我負責陪佢啦. 最後, 我地買o左好少部份o既野, 都千幾蚊 (已經discount o左). 不過為o左我地o既寶貝, 我地會努力o既.. bb 你都要健康成長呀...

恭喜恭喜... 我的好友Gigi

今日我收到一個好簡單o既message - 7.2lbs. 真係一頭霧水, 但諗深一層, 我o既好友o既BB 女出世了. Gigi 同我係中一o既同學. 由一齊讀書, 同一年結婚同一齊有bb, 一齊傾結婚同bbo既野, 真係好開心. 我係電話度聽到Gigi 把聲, 好sweet , 好lum... 我睇超聲波, 每次見到bb都好感動, 好想哭. 但gigi 話當bb出o左世, 你抱住佢, 你會仲更加感動呀, 我都好期待呢一日o既來臨... Gigi, 希望BB 女快高長大,大健健康康 ... *v*

我的第一次 - 抽筋

隨住我o既肚子越來越大, 很多懷孕o既症狀逐漸發生. 而尋晚, 我就經歷了人生o既第一次 ~~抽筋.

尋晚訓到5點幾, 我突然感到左腳小腿抽了一抽, 好 ~~~好 ~~~好~~痛, 第一次抽筋呀... 雖然我妹妹之前已經教左我抽筋如何舒緩. 不過, 這次實在太過突如其來, 好快, 約10秒. 我都未趕得切做舒緩動作, 已經抽完. 不過, 實在你太痛喇, 成個人醒哂, 眼光光, 等天光. 到6:15就起身. 成晚訓o左4個鐘, 攪到今日好倦, 但係抽筋後o既小腿, 就成日都好痛.. v_v...

懷孕中期開始... 跳跳虎大個喇...

跳跳虎, 今日16周喇 (即4個月), 懷孕中期開始. 依書講, 孕婦到了懷孕中期, BB 生長好快, 而媽媽o既體重亦會增加. 而懷孕中期, 亦是孕婦在全個懷孕期內最舒服o既日子. 因為這時o既肚子不太大, 而懷孕初期o既不適亦開始減退.

本來, 今日我想去東海堂買個虎紋蛋糕同BB慶祝 (因為出年係虎年, 我o既bb梗係跳跳虎啦....). 不過, 今晚要上course, 放工時已經差唔多9:00p.m, 餅店全關門了. 而且, 老公亦去了公幹. 我地唯有等埋daddy公幹回來, 一齊再慶祝啦... 但跳跳虎, 你要乖乖, 健健康康, 快高長大呀.... Daddy , Mami 都好錫你o架...

個肚開始大喇....

唔知係咪接近4個月(仲有2日), 開始見肚喇. 我照鏡, 條腰開始粗了, 以往o既腰唔見了, 側面睇, 下腹開始脹了. 不過, bb 而家仲細, 所以就算脹了, 仲係軟軟地 (哈哈, 上面有我d 脂肪嘛)...

自從有o左"跳跳虎"後, 我發覺開始甩頭髮. 本身頭髮唔多o既我, 真係甩好多頭髮. 屋企每一個角落都有, 都幾恐怖. 於是, 我為o左可以俾bb吸收多d營養, 健康成長, 我今日去salon剪頭髮. 不過, 有成10年都未剪短過, 今日就剪o左4吋先.

剪果時, 個心都有d痛. 個stylist 好厲害, 剪o左4吋仲可以keep 到係shoulder 下面. 不過當我紮起d頭髮, 連老公都話短o左好多.

第二次去PWH見醫生

我和老公期待了今日好耐.... ^v^ BB , 我地o既小可愛, 我地今日又見面了. 今日覆診時間係9:45a.m. 但我地遇著返工時間出門口, 又多人, 又塞車.. 我地9:38a.m., 終於到PWH. 點知去到婦產科詢問處登記, 先知Dr. Law病了... o下, 咁點好呀, d登記職員話一係叫我地自己再約Dr. Law, 一係今日照睇, 任由佢地安排一個醫生. 唉.... BB , 點好呀..

好在, 今日我妹妹又返早, 我就即刻打俾佢. 佢好在剛剛食完早餐, 可以過來睇o下什麼情況. BB, 好在阿姨係度咋, 唔係都唔知點好.

之後, 我妹妹替我 arrange o左一個醫生睇我. 因為有一個Dr 病o左, 今日婦產科好多人, 我地等到10:25a.m. 先有得睇. BB, 我地又見面喇. 因為我今個星期工作又忙又辛苦, 間唔中都feel 到個肚痛, 所以都有d擔心. 但係, 當我地見到BB 個心仔係個Screen 度跳下跳下, 心情都好興奮, 知佢安全, 即刻放心哂. *v* 不過, 今日唔知係咪太早, bb好似訓o左咁,郁都唔郁下, 好似成舊麵粉咁.

今日BB 大o左好多, 雖然醫生話而家呢個周數, 已經唔再度佢o既長度, 但係, 醫生話BB 而家o既size 同周數好吻合. 仲有, 今日係第一次係超聲波見到BB 個心仔 "book book"跳, 所以, 我地知道bb大了很多. 不過, bb 而家仲好細, 仲未知係男定女.

我地離開PWH, 去o左越棧食檬粉.. 好好味, 差不多我次次去完PWH 都去呢度食. 跟住, 我就同老公去o左一田行街街, 因為我想買一對 Rockport 平底鞋, 但睇唔o岩, 睇o岩果對又太老土. 冇買到. 之後, 我地去o左一田睇bb 野, bb 野實在太多款式, 又唔平, 因為我地都係對日本野有信心d, 所以, 今次真係破產都唔掂. 哈哈, 講笑o者... 為o左bb, 我地會加倍努力. 之後, 我地本來諗住返屋企, 點知到o左觀塘又肚餓, 我地就去o左元氣食下午茶.. 老公食sushi, 我就食我o既至爰... undo... 食完, 就飽哂, 一家3口返屋企小睡了....... bb今日14周3日了, bb, 你記住係媽咪個肚肚度吸收多d先出世呀...

我的寶貝真係好叻叻

今日BB 已經12周零1日喇. 我地今日約o左下午2:15分去PWH 做香港中文大學o既早孕期"一站式唐氏綜合症篩查". 它o既發現率高達90%. 所以費用要成$1,300. 本來都覺得貴, 但做完個檢查, 再拎埋個REPORT 就覺得好值得, 因為好詳細, 成個人安心好多.

今日我地準時2:15p.m. 到, 又係好多人. 本來我地係下午果批o既第一個, 但係, 竟然有人心急過我地, 俾佢登記o左先, 所以我地變o左第二. 不過, 好在都唔係等o左好耐.

到叫我地入16號房, 首先又係要做 d 一般檢查 - 度高量血壓 ~~~~ o下, 又輕o左1kg... 不過, 聽人講懷孕初期大部份孕婦都會輕少少. 之後, 就係我最怕o既項目 -- > 抽血. 個姑娘知我好驚, 所以都好溫柔. 不過, 我個人慢慢又緊張返, 抽到臨尾, 抽極都抽唔到......... 點好呀.. 大件事. 於是我自己同自己講, 放鬆d放鬆d.. 真係有效, 終於攪掂. 之後, 個姑娘問我地想2個鐘頭後返去拎report, 定寄俾我地, 我地好心急, 所以就決定食完野行一陣再返去拎.

離開o左16號房, 我地就出o左去走廊張長朾坐.... 跟住, 做o左一份問卷調查. 等o左一陣, 好快就入去見醫生同做超聲波. Hi Hi , 我o既寶貝, 又見你喇, 媽咪好掛住你呀... *V*... 醫生一開始照, 就好溫柔咁話 ~ bb 好乖喎.. 我地唔好咁噪, 快d做完個檢查先... 所以當我一見到bb, 我就心入面同佢say hi, 仲覺得好感動.. 自己不禁同佢揮手.. 不過, 臨到尾聲, 醫生就話, 咦, 佢醒o左呀.. 我就好緊張咁望住個電視, 真係見到佢郁. bb本來好乖咁訓緊, 但當佢一醒, 個身就一曲, 轉o左一個圈, 之後, 就又訓返. 成個過程, 真係好得意呀.. 好感動, 好想哭. 我o既小寶貝真係長大了. 成個過程大約10秒.

bb 好快咁靜o左落o黎, 醫生又繼續照超聲波. 醫生同我一齊數BB o既手指仔同腳指仔.. 1,2,3,4,5,6,7,8,9,10.. 1, 2, 3, 4, 5, 6, 7, 8, 9, 10.. 齊哂....... GOOD ...之後, 我地就照背脊骨, 同度頸皮. 一切正常. BB今日已經有5.32cm 長, 心跳好快, 有156bpm (bb o既心跳係比大人快)... 醫生, 仲俾o左2張超聲波相我, 有bb 個側面同大頭... 好快咁檢查完, 就等電話, 2個鐘後拎report. report, 當然一切正常, very low risk ... bb 我地要10月9日, Dr. Law 幫我地做檢查, 再見喇... 咀咀.. *V*.. 你記住吸收多d, 健健康康呀.. *V* Daddy Mummy 好愛你呀...

10 周零3日o既小寶寶

今日9月11日, 我同老公o既小寶貝已經10周零3日喇. 今日我地第一次去私家婦產科診所. 我地約o左12:20p.m., 點知一上到去, 嘩........ 好多人呀, 真係好多人生bb呀.... 我今次去o既私家診所, 係仁安醫院醫生o既, 所以俾我o既感覺係好有系統同設備好完善.

唔知係咪人太多o既關係, 我地make o左appointment, 都要等成個半鐘先有得見醫生. 終於到照超聲波同bb見面喇. oh no..... 我地o既小寶寶, 你好呀.. 媽咪daddy 好掛住你呀.... 今日bb有3.8 cm 大, 終於見到手仔同腳仔喇....... 好得意呀. 個醫生仲好好, 俾埋個心跳我地聽.. "bo bo bo bo..." 好得意呀...

聽我表妹講, o係私家診所填form 入bb 會會好過係公立醫院, 所以, 我今日都入o左好多bb會呀.... bb.. i love u 呀.. 你要吸收多d, 快高長大聰明d呀....

點解我同其他孕婦唔同??

Morning Sickness (害喜)係大部份孕婦係懷孕初期必經o既階段. 大部份孕婦, 係懷孕初期, 都會時常覺得疲倦和早晨頭暈作嘔作悶. 但係, 作為初初懷孕o既媽咪o既我, 就有d唔同.

唔知係咪要返工o既關係, 我每日一到10:00p.m., 就會十分疲倦, 腰酸背痛, 要立刻上床訓覺, 遲一陣都唔得, 而且, 仲一訓, 就訓到天光 (不過, 有時半夜都會想嘔). 早上, 就最精神, 好好胃口. 但係, 一到食晚飯時間, 就大件事. 因為, 我唔係morning sickness, 而且evening sickness (都好似未聽過), 唔想食野.

作為奇媽媽o既我, 一到晚上食飯時間, 就作嘔. 雖然不是太嚴重, 到目前為止, 我只真係嘔過兩次, 但係, 已經夠了, 好辛苦. 而家, bb 係我肚內, 已經快10周了. 雖然, 外表上, 我仲未似一個孕婦, 但是, 我買了幾本有關懷孕o既書, 雖然而家bb仲好好細, 但係, bb而家住o既子宮, 原來已經有兩陪大. 哈哈, 我同老公每日仲會早晚同bb傾計o架. bb, daddy mami 雖然第一次做父母, 乜都唔識, 但係, 我地會努力學, 睇多d書, 問多d人, 所以, 你都要努力, 健康成長呀... *v*...

Hello my Baby - 我的小寶貝

今年8月7日, 我的人生我的家庭改變了. 因為, 我與老公o既愛情結晶品出現了, 已經唔再係2人世界喇.

當我係診所等待結果時, 我的心情真係好緊張, 當我與老公知道我們的bb 係我o既肚入面, 我地真係非常興奮, 但當我地冷靜下來, 第一件事, 就係去診所附近o既荷花親子, 因為我們初為人父母, 好似乜都唔識, 乜都唔知道點做好, 所以我地就去荷花買了幾本書, 了解多d懷孕前後o既資料, 要注意o既重點和如何補身.

今日, 2009年8月28日, 我同bb第一次見醫生. 初診時間為9:15a.m. , 但第一次見醫生, 我地9:00a.m. 已經到了PWH o既婦產科. 因為係初診, 有好多濕碎資料要做, 要去度高, 磅重, 量血壓, 問個人資料, 家人同自己o既病歷, 驗尿.... 真係好忙. 到見 Dr. Law (我o既主診醫生), 我真係好緊張, 因為今日可以照超聲波, 同bb 見面.

bb今日有8周多d, 有1.9cm大, Dr. Law 話佢生長得好好, 係中Size. Dr. Law係PWH係一位好有經驗o既醫生, 上次我表妹生bb, 都係搵佢, 佢好叻好後生. 當我係部超聲波儀器見到bb, 真係好興奮, 好感動. 因為終於見到我同老公o既小寶貝了. 佢真係好細, 我見到佢o既心跳好快, 好得意. bb, 你記住一定要健康成長呀, daddy mummy 好愛你呀...

鱆魚蓮藕餅 + 泰式什果沙律..

近日, 香港o既天氣變幻無常. 我仲記得早2日天氣又濕又冷, 出外都有著返件風褸. 點知, 今日, 天朗氣清, 中午氣溫仲有24度. 如果你下午出外行一行, 真係覺得香港又濕又熱o既天氣真係不甚討好.

我近日o既新作, 就係鱆魚蓮藕餅 + 泰式什果沙律..

星期日, 老公要返工, 不過他說可以8時返來晚飯. 於是, 我又想攪攪新意思. 我記得幾個月前, 老公帶我去灣仔一間好出名食雞扒蓮藕餅飯o既舖頭 ~ 榮式雞扒, 真係好好味. 於是, 我又自己試下整. 呢個餸真係好難整, 又要用好多時間. 雖然, 老公都話好味, 但係我地都覺得榮式雞扒o既雞扒蓮藕餅飯$38 (仲連飲品), 真係超抵...........

而近日天氣開始熱, 我又研究一下新款o既沙律 (因為老公夏天好鐘意食沙律) ~~ 泰式什果沙律. 我o係什果沙律入面加了青檸汁, 少許蜜糖和泰式西柚, 食落感覺好fresh, 酸酸甜甜好開胃...

陳皮冬瓜粒鴨腿湯飯

早兩日, 天氣好好. 有太陽, 不過開始有點熱. 於是, 我就弄了陳皮冬瓜粒鴨腿湯飯, 冬瓜清熱, 陳皮化痰正氣, 天氣熱食真係好o岩呀...

繽紛串 (+秘製wasabi 照燒醬汁... *v*)

今次, 我決定攪攪新意思. 我見上次媽咪幫我換o既燒烤鑊冇用過, 好似好阻地方咁. 於是, 我就嘗試一下, 係屋企整串燒.. 又得喎, 仲好好食添.

我張雞扒解凍後, 去除入面d脂肪. 因為老公好怕食到d肉有脂肪. 不過, 呢個工序用了成個鐘 (雞扒2塊.). 跟住, 我用照燒汁 + 糖 + 老抽 + wasabi 醃了一晚, 因為雞扒係雪藏, 難入味.

點知, 出來o既效果, 比想像中好, 好好味呀...

老公至愛 ~~ 拍黃瓜

今日, 老公忽然話想食拍黃瓜, 我上網 一 check, 原來有很多唔同o既做法. 有d人話用鎮江黑醋, 有d就冇講明 (不過我睇佢post 出來張相, 應該係白醋) ... 都唔知用那一方法好. 於是, 我就憑自己o既感覺同之前食拍黃瓜o既印象, 鑽研出這味拍黃瓜... 點知, 出奇地咁好味, 連老公都讚不絕口...

Happy Birthday ~~ 細佬....

細佬今個星期生日, 我地一家人去o左大圍果間"小肥牛"打邊爐 ~~ 灼o下灼o下, 正.

大家聽"小肥羊"就聽得多, 而我地第一次接觸小肥牛, 就係老公同佢d同事去打邊爐, 一班男人去吹水... 佢打完返o黎, 就話好好味, 一定要帶我去. 咁, 我一試... 嘩.... 正呀... 佢o既牛同魚刺身, 好新鮮, 即叫即劏....不過, 講到最正, 一定係黃喉同炸腐皮, 真係極品.............

今次, 我地book o左星期五, 8:30. 我同老公半個鐘頭前去到. 嘩.. 好多人係度等位呀... 不過, 都見慣啦. 我地等o左半個鐘, 佢真係好準時8:30俾枱我地 .. (前一張8人枱booking已經係8:15入o左去) , 一去到, 我地就order 好好味o既鱆紅魚刺物同牛刺身 (因為唔order定, 好怏冇). 我地食o左好多, 有花彫肥牛4碟, 鴕鳥肉, 石蠔2碟, 黃喉(本來叫二碟, 不過賣剩一碟 v_v), 本地手切肥牛, 竹笙, 鯊魚嘴, 皇帝菜, 油麥菜, 炸腐皮, 羊肉, 蝦滑... 真係好好味呀... *v*

點紅點綠蒸水蛋

蕃茄, 豆腐同蛋係我o既至愛. 除o左因為佢地營養豐富之外, 仲因為佢地易煮而且變化多, 所以豆腐同蛋係我雪櫃入面必備o既食材. 但蒸蛋成日食, 食得多都會悶, 所以我今日就攪攪新意思 -- 點紅點綠蒸水蛋.

點紅點綠蒸水蛋 ~~ 呢個名, 係我老公改的. 我首先蒸o左水蛋數分鐘, 待蛋面凝固o左後, 再係上面加o左用豆腐, 冬菇, 蕃茄, 芫茜, 火腿, 蔥粒湯, 再蒸多數分鐘. 這樣, 蒸水蛋又滑, 又酸酸甜甜, 餸飯非常o岩, 仲好有營養... ^ｖ^

阿波羅雪糕三文治

昨日同老公放假, 去o左JUSCO Supermarket行街街, 點知, 佢出面o既展覽場, 有個雪糕展. 其實, 雪糕展成日都有, 我地估一定係Dreyer's , Haagen-Dazs, 雀巢等牌子o既天下.. 但係, 竟然仲有阿波羅. 唔知大家仲記唔記得阿波羅雪糕屋呢??!! 我仲好記得佢有一種重點推介 ~ 食o左唔會肥o既低卡路里乳酪雪糕, 成十幾蚊一杯, 真係好好味... 仲有藍戰士, 橙戰神雪條 ~~ 外面係果汁冰冰, 入面包住係香滑士多啤梨, 雲呢拿 or 朱古力雪糕, 真係好美味....

不過, 我地最大發現, 就係佢o既芒果味同朱古力味雪糕三文治 ~~ 我仲記得呢款雪糕三文治係可以o係小學小賣部買到, 不過已經冇見好耐. 於是, 我地買o左一盒, $15 (一盒有4件). 雖然, 昨日天氣不太熱, 但付款後, 我地已經急不及待拆開食. 不過, 拆開個盒後都有d失望. 因為, 我地記得以前係紙盒, 而家係膠袋內再加上一個膠"dun"載住雪糕三文治 ~~ 雖然包裝精美o左, 但站在客人立場, 食果時麻煩o左, 個packing 可以話係失敗之作. 仲有, 唔知係咪小朋友時係食o既方面冇乜選擇, 我記得果時食, 覺得好好味, 但昨日食, 就覺得好普通, 冇乜特別. 唔怪之, 阿波羅雪糕三文治o既市場地位, 可以俾其它雪糕代替. 所以, 我想, 如果你唔進步, 一定變成退步....

忙裡偷閒的一天

難得同老公一齊放假, 於是就去週圍逛 - 飲下午茶 ~ 行商場 ~ 宜家傢俬 ~ 牛頭角下邨... 咁就一日, 真係好寫意.... 我地仲o係宜家傢俬買o左2盆植物 - 荷蘭迷你白掌 & 迷你羅漢松.

其實, 人生點先可以過得開心快樂, 真係好簡單, 好似嘻嘻哈哈咁一日, 真係可以將平日o既工作壓力釋放哂. *v*