繽紛串 (+秘製wasabi 照燒醬汁... *v*)

今次, 我決定攪攪新意思. 我見上次媽咪幫我換o既燒烤鑊冇用過, 好似好阻地方咁. 於是, 我就嘗試一下, 係屋企整串燒.. 又得喎, 仲好好食添.

我張雞扒解凍後, 去除入面d脂肪. 因為老公好怕食到d肉有脂肪. 不過, 呢個工序用了成個鐘 (雞扒2塊.). 跟住, 我用照燒汁 + 糖 + 老抽 + wasabi 醃了一晚, 因為雞扒係雪藏, 難入味.

點知, 出來o既效果, 比想像中好, 好好味呀...