婆婆81歲大壽

今年, 屋企喜事一浪接一浪, 打響頭炮, 就係我婆婆81歲大壽. 婆婆有6個仔女, 我媽咪排第二. 佢地6位兄弟姐妹o既感情好好, 都好少聽佢地有嗌交. 不過, 而家只得我媽咪同兩個舅父o係香港, 五舅父同阿姨係加拿, 而姨媽, 就係德國.

婆婆大壽當日, 我地為佢係酒樓擺o左一圍簡單o既壽宴. 人地話大壽要送金俾長輩, 於是, 我, 老公, 妹妹同妹夫四人, 一齊送o左一座金擺設 - 有金壽桃同長命金龜. 希望婆婆長命百歲, 身體健康!!