到第三日, 我地一如以往, 一早浸一下溫泉, 就出發. 首先, 我地會去最近o既松本城遊覽. 松本城是日本四大國寶城郭之一. 我地冇上去, 不過隔湖觀望, 都感覺到佢o既氣勢. 之後, 我地到車上, 開行李, 因為我地下一站, 係只有7度以下o既上高地. 我地揸o左好耐車, 見到好多車中途泊低, 都唔明做什麼, 到我地正想入隧道之際, 突然有一日本交通督導員叫停我地. 原來, 因上高地每年11月頭開始, 因安全理由, 不准自鴐上山, 只可以搭巴士 or 有許可證o既工作人員車輛. 我地唔想放低o架車太耐, 就轉去附近o既白骨溫泉. 我地去o左一間野天風呂. 正呀... 野天的, 好open, 我諗, 如果出面落雪, 仲好feel. 浸完, 我地就向下一站酒店出發. 下一站, 就係隔離縣, 好遠. 中途, 我地休息一下, 仲有意外收獲, 就係買o左包日本秋田米. 茄哥勁道推介.
沒有留言:
發佈留言