今日, 係我地第二日係東京. 我地一早, 就去o左一間好出名魚生飯o既地方. 果間不出我地所料, d旅遊書介紹得o既地方, 一定好多香港人. 個個講廣東話, 都不知幾親切. 我叫o左一格1日20限o既魚生飯, 上面有帶子, 好多o既海膽, 三文魚同吞拿魚. 之後, 我地就向原宿進發. 原宿o既竹下通真係好多野買. d 買仲好有特色. 我同茄嫂, 每去到一間shop, 都有收獲. 行完原宿, 我地發現一座好雪白o既樓正係度興建, 睇真的, 原來係我地成日去o既H & M. 之後, 我地去o左一間漢堡包店. 好奇怪, 果度d漢堡包d料好普通, 但個包皮好好味. 食完, 茄哥同老公就要去佢地成日戴o既頸錬專門店~ Phiten買野. 哈哈, 中途, 仲俾我發現, 7仔o係日本好勁, 有間7Bank o架. 買完, 我地就去o左食極唔厭o既美登利, 佢d壽司上面塊魚生, 係下面d飯o既三倍大. 我地食完, 就去附近商場行o左一陣. 再去食. 今次, 係去好出名o既博多天神拉麵, 佢地豬骨湯底, 真係好正. 食完, 仲可以免費加麵. 正.
沒有留言:
發佈留言