川越和風胡麻醬~~~~ 超正!!!!!!

人人去日本都係shopping買衫, 但我同老公, 就買米, 醃菜同胡麻醬. 講起支胡麻醬, 真係好正. 特別係打邊爐去點肥牛, 真係"超好味".

嫲嫲81歲大壽

第二炮, 就係嫲嫲81歲大壽!! 嫲嫲同爺爺, 亦有6個仔女, 除o左4姑姐外, 全部都係香港成家立室, 所以我地book o左一間房擺兩位先夠. 當日, 我地又預o左一對金壽桃擺設俾嫲嫲, 另外, 亦頂o左一個大壽蛋糕同壽包. 個個都好開心. 下個月就係第3炮 - 爺爺大壽, 到時一定好熱鬧.

婆婆81歲大壽

今年, 屋企喜事一浪接一浪, 打響頭炮, 就係我婆婆81歲大壽. 婆婆有6個仔女, 我媽咪排第二. 佢地6位兄弟姐妹o既感情好好, 都好少聽佢地有嗌交. 不過, 而家只得我媽咪同兩個舅父o係香港, 五舅父同阿姨係加拿, 而姨媽, 就係德國.

婆婆大壽當日, 我地為佢係酒樓擺o左一圍簡單o既壽宴. 人地話大壽要送金俾長輩, 於是, 我, 老公, 妹妹同妹夫四人, 一齊送o左一座金擺設 - 有金壽桃同長命金龜. 希望婆婆長命百歲, 身體健康!!

2008 東京之旅 (Last Day ~ 07/11/2008)

Last day 係日本, 我地梗係要盡地一舖去買o野. 我地check-out o左之後, 去品川放低行李就, 就各上野出發. 果度係老公同茄哥重點出擊o既地方. 我地食完好好味o既天婦羅飯, 就去shopping. 果然不出所料, 大家都買到滿載而歸. 之後, 我地臨上機前, 食完一餐令我地今次勁食勁玩之旅留下一個重大污點o既一餐. 果餐真係好難食, 仲有勁肥豬腸. 我地冇乜點食, 4個人成6百幾蚊埋單. 正"謀人寺". 之後, 我地係品川站(即我地放底行李o係locker o既地方)食o左一個好好咪o既炸豬扒咖哩飯, 就向羽田1機場出發. 不過, 俾我o係機場, 買o左一件Hello Kitty T-Shirt. 哈哈. 我地等o左成個幾鐘, 終於要好唔捨得咁上機. 不過, 機上果份飛機餐都好好味. JAL d 飛機餐, 每一份都流露出日本人果份誠意. 返對HK, 已經冇巴士, 要等N車, 等o左成40 mins, 終於可以上車返屋企.

2008 東京之旅 (Day 5 ~ 06/11/2008)

今日, 係我地第二日係東京. 我地一早, 就去o左一間好出名魚生飯o既地方. 果間不出我地所料, d旅遊書介紹得o既地方, 一定好多香港人. 個個講廣東話, 都不知幾親切. 我叫o左一格1日20限o既魚生飯, 上面有帶子, 好多o既海膽, 三文魚同吞拿魚. 之後, 我地就向原宿進發. 原宿o既竹下通真係好多野買. d 買仲好有特色. 我同茄嫂, 每去到一間shop, 都有收獲. 行完原宿, 我地發現一座好雪白o既樓正係度興建, 睇真的, 原來係我地成日去o既H & M. 之後, 我地去o左一間漢堡包店. 好奇怪, 果度d漢堡包d料好普通, 但個包皮好好味. 食完, 茄哥同老公就要去佢地成日戴o既頸錬專門店~ Phiten買野. 哈哈, 中途, 仲俾我發現, 7仔o係日本好勁, 有間7Bank o架. 買完, 我地就去o左食極唔厭o既美登利, 佢d壽司上面塊魚生, 係下面d飯o既三倍大. 我地食完, 就去附近商場行o左一陣. 再去食. 今次, 係去好出名o既博多天神拉麵, 佢地豬骨湯底, 真係好正. 食完, 仲可以免費加麵. 正.