(歡樂o既時光過得特別快, 又係時候講bye bye.......... ) 我地o係第五日, 盡地一舖.. 食埋番茄哥講o左好耐, 仲好食過吉野家, o係日本係吉野家o既勁敵~~ 松屋 ~~ 我地一入門口, 一如以往, 去o左自動售賣機度揀野食. 而我, 梗係揀佢鎮店之保 -- 牛肉飯 + 沙律菜.... 食完, 我地即刻返酒店收拾行裝, 準備出發去最後衝刺 (時間好緊迫, 因得返半日)..... 我地臨走前, 梗係o係酒店門前影返張相先.... bye bye!!!!
我o地坐JR去到上野駅, 就好趕去到一陣坐火車去機場o既京成上野駅開個locker 放低行李. 之後我地仲有2個鐘, 搭2:45p.m. 火車, 盡最後衝刺......... 不過, 原來好過鋪頭11:00 a.m. 先開, 於是我地又去藥房睇化妝品同去買野食.... 點之, 中途發現有間好大o既運動公司, 有成4層高.... 果兩位男士梗係唔放過啦... 波鞋, 衫..... 樣樣都唔放過, 最後, 連我老公平日都好慳, 今次一次過買o左成5件衫..... (勁呀!!~~~~~).... 你話平都唔係太平, addidas 平均平HKD10-20一件, 不過, d款都好fasion, 一睇就知你係日本買........ 因大部份都係日本字......
行o左一陣, 又要食野!!!! 我地去o左個鐵板燒..... o下, 自己燒...... 唔係, 有人幫我地整, 不過o係一位好熟手1o既白髮婆婆幫我o地手..... 我同茄嫂趁住d野未o黎, 行返去轉角位間Boutique買袋同去買巨峰食. 返到上去, 已經食得. 婆婆知我地好趕, 要趕住搭火車去機場, 所以都好快手. 不過我地始終miss o左2:45 果班, 要搭3:15果班. 我地一食完, 連好快咁跑去車站上車, 仲趕得切o係車前影返張相添..... *v*
我地好趕, 因番茄話班火車會停好多站, 要坐成個半鐘. 我地一行四人因跑o左好耐, 一上到車, 攪掂哂d行李, 就倦訓著 o左.......... 突然, 我老公俾一個日本人叫醒.......... 大件事!!!! 原來我地上錯車, 我地原本坐800 yeno既火車要坐成個半鐘, 點知上錯o左一班3000 yen o既特快火車 skyliner (一個鐘到.....) 唔知點好, 因呢架火車只中途只停一個站, 之後就不停站直至成田空港.......... 點好點好..... 我地唔知點好, 唯有一陣如果出唔晒到閘, 唯有補$$$$ 啦......... 點知, 張飛又出到. 不過果時已經4:20 p.m. 我地班機6:00 p.m. 起飛, 我地要4:30p.m. 到機場. 好趕好趕.... 終於成功去到NWA counter check-in. 好多人呀, 我老公仲撞到同事添.....
終於又要返回現實世界 - 香港 - 努力工作 (加油加油) .............. 總括 o黎講, 今次旅途十分開心, 好多趣事, 由一出發到上機返HK, 件件事都好難忘. o係今次o既tour, 我地要特別多謝茄哥 同 茄嫂, 冇o左佢地, 今次我o地個Honeymoon 一定冇咁精彩. 仲有, 番茄幫我地plan 哂成個trip, 佢真係一個出色o既導遊.... 最後, 上面兩張相, 就係我同老公o既戰利品, 少就少d, 不過我o地正式o黎講得1日半o係東京shopping, 計計o下, 如果行足5日東京, 一定出事.............!!!!!!!
2 則留言:
終於honeymoon完返黎, 仲已經update左個blog, 真係好野喎,見到你d相都感受到你地都玩得好開心, 仲有見到你地不斷咁食, 真係不枉勁食之旅之名.我都好想去日本呀!!
係呀係呀, 我地肥o左5磅呀.... 不過而家減返, 幾驚呀...........
發佈留言