第二天, 先至係今次旅程戲肉o既開始!!!!! 我地4 人, 冇係酒店食早餐, 爭取時間搵更多好好味o既野食, 因為得返半日o係東京, 我地一起身, 便搭JR 轉地下鐵 坐了30mins去築地市場駅, 參觀當地有名的鮮魚海鮮市場. 一到步, 我地就去一間叫"井上"的拉麵店. 店面十分細, 得2個廚師位, 客人要"站著吃". 雖然o係咁, 但我見個個人都食得好開心, 人流好多, 湯底同麵質都好正, o係d日本叉燒肥d o者, 我地兩個人一碗, 好快食完, 一轉身, 又見10-20人在等食...... 好誇張 ^0^
我o地好快咁食完, 就入o左佢地o既菜市場. 因為係近海, 所以入面大部份都係佢地d海洋乾濕貨..... 仲有, 好美味o既即開即燒鮮蠔......... 好正, 一食落去, 仲有啖啖海水o既鮮味............. 跟住, 我地見到一架架好得意o既車 (車頭有個大圓筒, 好cute), 相入面橙色果o架, 呢d係運海鮮o既貨車, 好多好繁忙..... 嘩, 好大條吞拿魚呀 (相)..... 不過, 話哂今次o係勁食之旅, 我地又去食lor...... 今次一如以往, 又要排隊..... 不過, 排o左20mins, 我同飛飛每人叫o左個新新新鮮o既魚生飯........... 嘩..... 好好好味呀... (相), 有好多好多海胆, 好鮮o既帶子, 三文魚, tuna, 蟹柳(o係真蟹柳), 三文魚子....... 好有誠意呀................. 食飽飽, 買埋d巨峰, 又o係時代講byebye, 因為3點半要返到大塚拿車..........
到o左租車公司, 我地一心以為租o左架HONDA JAZZ (相入面後面黑色果o架), 點知.... 出事, 佢話我地個plan係另一架, 即係日產的MARCH車仔(相入面銀色果o架)... 無計啦, 我地又趕時間, 都要用o架啦...... 本來諗住我老公個friend 番茄揸 (mainly), 因我老公成年幾都無揸過車, 點知果朝佢(番茄)先發覺無帶國際車牌, 唯有............. 我老公上 (老公, 你好幸福呀, 好彩我幫你拎o左, 如果唔係, 就大件事喇........) (雖然我地對佢手車都有信心, 不過都係有d擔心, 因佢好耐無揸過車, 又未試過用汽車衛星導航)..... 東京好快 (3點幾)就開始天黑, 我地一上highway, 揸3-4 個鐘頭車, 終於到達我地o既目的地....... 伊豆半島-- 熱海.....
Check-in 後, 我地立即又揸車去搵0野食...... 沿路上山, 我地見到d坑渠出哂煙, 原來係溫泉d蒸氣... 出面入夜後好凍, 得番13度左右.... 我地沿路上山, 去到JR熱海駅, 入o左一間手握sushi.... 好fresh 呀, 我地入去叫o左幾客, 佢地又好有原則(因日本係一個好守規則的國家)咁關門..... 於是我地另外搵0野食... 外面因天氣好凍, 條街好好少人, 我地又搵到另一間..... 拉麵店(相)....... 佢好有風味, 門面好細, 得7張橷, 我地一入去, menu全是日文, 當然個老板都係講日文啦, 我同老公睇o左一陣, 因我地唔識日文, 唔知o係咪我地個樣好苦惱, 坐o係老公隔離個日本人好熱心咁介紹, 我同老公當然唔知佢講什麼啦, 我地不斷好有禮貌咁.... "o係".... (學日本人嘛).... 得佢個friend 番茄同茄嫂明白...... 我地分別叫了一個蔥拉麵同九州風味.... 一食...... 嘩..... 好好味呀...... 我地食完就返酒店浸溫泉.... 我地女湯果個o係有室內同室外, 男湯就只得室內... 只得每晚7點至8點會男女湯互轉.... 我地洗完白白, 又有新發現.... 我地發現原來有梅子味磨砂浴鹽.... 好香呀..... (因太正, 我地浸完就到樓下個supermarket買o左一包, 好貴, 成百幾蚊一包....)(哈哈, 唔怪得之人地話女人錢好易賺.....) 室內果個太焗, 好辛苦, 我同茄嫂便出去室外....... 嘩...... 好正呀......... 出面好凍, 浸o係溫泉入面好暖, 因溫泉o係頂樓, 望海又望著d星星, o係d椰樹下面...... 好relax.... 浸完, 就到出面o既腳部按摩機按腳........... 我地足足玩o左成個鐘, 就返房食巨峰 (相).... 好sweet sweet 呀, 又清甜... 仲有梗係當時得令o既日本柑啦..... 玩完食完, 浸完溫泉好relax 好倦, 便返房訓.... 因為間房太大(相), 我有d驚, 於是我同老公就張dTarTarMi(床墊)拉到廳度訓... 唔知o係咪浸完溫泉, 好好訓...
沒有留言:
發佈留言