Honeymoon 2007-11-14

第四日仲未訓醒, 又聽到老公話去浸溫泉 (因我o地下午就要揸車返東京, 冇得浸喇v_v)..... 佢浸完返o黎, 成個人精神哂. 仲好嘈 添. 一打開窗簾.... 個海好靚 !!好正 !!呀, 又有人滑浪......... 我地即刻換上和服, 影返d相留諗先.... 大家睇d相, 有一張我老公背住我影o架, (你地唔好誤會呀, o係佢主動話影o架, 我都唔知影果時幾擔心, 你知啦, 佢條腰傷過一次好嚴重, 而我又唔好似之前咁輕........) 終於影完, 放心哂, 你睇我地d相咁興奮, 就知幾好feel 啦.............




















不過, 今日個早餐好奇怪, 得兩輪 - 6:30a.m. & 8:30 a.m. (我地梗係揀8:30啦....) 酒店o既服務員仲千叮萬囑我o地唔好遲. 我o地影完相, 好準時到o左食早餐o既地方. 一入去, 好香呀~~~~~ 原來佢o地真係預o左我o地8:30a.m. 準時到, 開定火煎魚 (相入面黑色爐上面果條就o係喇...... ) 真係o黎遲一步都燒焦.... 不過..... 個早餐真係好豐富, 好健康, 全海鮮......

食完早餐, 仲有d時間, 我地梗係又去*v*親親大海 *v*啦........... 出面d太陽好猛, 我地行o左一陣, 又要出發去搵食, 因10:00 a.m. 開始另一個地方有 龍蝦湯免費任飲 呀.......... (正呀....... 伊勢海老我地o黎喇 !!!! *v* 哈哈哈哈)

o拿, 呢間咪係我o地住果間下田大和館lor, 我地check-out 果陣, 仲見到 DJ 阮小儀同佢個friend 添.....

龍蝦湯呀, 我地o黎喇............. 哈哈 *v* 我o地懷住興奮o既心情, 終於到o左喇!!!!!! 我o地行得好快, 因本書寫o係派完即止... 點知, 入到間鋪, 都唔見. 於是 我地拎本書出o黎 睇, double confirm啦, 係呢度喇喎, 張相都你呢間鋪頭, 無錯喇... 於是, 番茄同茄嫂就用日文問佢o地, o下...... 原來佢o地逄星期日先至有免費任飲龍蝦湯, 平日冇o架..... .. v_v 我o地好失望, 本書又一次俾我地搵到佢唔清楚o既地方. 唉... 無辦法啦, 我o地唯有改去附近o既南伊豆觀光所參觀同去一去洗手間啦 (振作振作..... 1234567, 多勞多得... )........

跟住, 我o地沿路諗住離開, 點知, 我o地又發現伊豆急下田塚又有一間網元料理 - 德造元. 附近仲有幾間shop添. 我o地見又差不多中午, 而且我o地又開始駕車返東京, 臨別, 食多次美味o既金目鯛啦 (金目鯛, 我地又o黎啦..... *v* ) . ... 呢間網元料理, 唔駛曲膝而坐, 有櫈坐, 仲有view. 不過就好多人..... (全都係日本本地o既旅行團- 日本人)... 午餐仲平過晚餐一半.... 好好味呀... 我地估呢間shop 專做遊客生意, 因我o地竟然發現專門用o黎煮金目鯛o既甜豉油... 佢用o黎送飯好好味o架, 甜甜地, 我老公好鐘意食, 佢誇張到可以一次食2-3碗黃飯... 於是我地各買了一枝, 好開心咁繼續旅程..... *v*

我地沿海由東京到伊豆, 今次我地回程選擇由中伊豆返東京, 希望睇下有冇d得別地方. 我地揸車, 上山落再上山再落山, 一路d景色都好靚. 仲有, 可以見到富士山添.....

我o地一返到東京還o左車, 就到秋葉原駅.... 因為我老公想買Wii 同 X-Box. 好似話有新款喎...... 點知我o地行o左一個圈, 聽到d shop 間間都閘門. (好驚呀, 如果o係香港, 旺角波鞋街都冇咁早閘門啦... ) o我, 原來佢地大部份閘7:00p.m. 買唔到, 唯有去食野.... 章魚小丸子, 士多啤梨雪糕pan cake... 仲有好好味o既小海老喬麥麵.......... 食完, 仲趕得切坐山手線去原宿食排長龍o既新鮮手握壽司 - 美登利.... 佢閘9: 00p.m. 我地8:50p.m. 等o左一陣, 又有得食喇.......... (真係對不起, 因我部相機又冇電, 影唔到, 淨係影到前菜同兩個傻佬...... ) 不過, d 手握壽司真係好新鮮好有誠意... d海胆壽司上面d海胆滿到瀉..... 舊鰻魚壽司上面塊鰻魚, 係下面舊飯o既兩倍半... 個吞拿魚腩, 好正, 其他唔駛講... 我地食得飽飽, 又係時候返酒店休息, 明天最後衝刺..... 早抖喇!!!!!!!!