宮廷娃娃 ~~ 好靚呀....*v*

今日去o左APM行街, 見到中間個展覽好多人影相... 嘩........ 原來有好多好靚o既宮廷娃娃 同 elegant o既 B 女呀... 好開心呀. 於是, 我都用手機同佢地影相.. 第一張相o既紅色宮廷娃娃就係我最鐘意o既... 唔知你又鐘意邊個宮廷娃娃呢????? *v*

"奸巴爹" 頑張って下さい - *v*

加油 - 呢句我地成日講, 但原來o係日文講法, 有兩種: -

日本語中有份說自己或還要求別人的說法

[頑張ります] : -
其實係代表 說方(我)向大家表達我會[加油]的用~基本形係動詞 頑張る 再加禮貌句[ます形] 變成的

"奸巴爹” "頑張て": -
首先 “奸巴爹”個音係唔岩~ 由其個"爹" 正音應該係 "te" no "de" 中文最近既音我仲未諗到其次"頑張て" 係頑張る變唔到出黎~ 根據日本語文法~係變成”頑張って”的解　”頑張って”：加”て”既原因　是日本語文法內，凡叫人做某ｄ野係會加”て”　如果要閣下較易明白就堂他是中文　”〔啦〕”～而”頑張って”　就是由頑張る　”て”組合而成的而禮貌版就是”頑張って下さい”加油 啦”頑張って”：”頑張って下さい”：請給我加油

以上係我今日上網學到的... 我地都要 頑張ります *v*

裁員潮世代!!!!!!!!!!!!!!!

今日係2009年2月最後一個股市交易日, 下星期, 就係3月份了, 話咁快, 2009年就過了2個月, 而金融海潚, 亦來臨了5個半月.

今次o既金融海潚, 對很多人來說, 真係十分討厭. 除o左因為大家都成為蟹民外, 公司裁員潮o既來臨, 亦叫個個打工仔人心惶惶....

公司今日表面上好平靜, e-mail 同 電話響o既頻率, 亦同平日一樣. 但到了放工時分, 分行中消息最靈通o既同事, 剛由總行返分行. 他o既樣子好緊張, 原來, 盛傳了多時o既裁員行動第二回, 今日終於殺到分行層面. 原來, 今日早上10時後, 各分行替工同事Branch Relief Staff (他們係公司o既長工, 專門負責替代放大假及去o左training o既同事... 包括ABM & Teller, 要去各分行替... )陸續收到通知, 要即刻返Branch Management Department, 因為他們已被公司裁退了.

其實, 自去年9月18日金融海潚o既來臨, o係我o地香港金融界, 特別o係銀行界, 已經一直慢慢逐步逐步開始裁員. 被裁o既目標人物, 除了工作表現差的同事外, 高薪o既同事, 都無時無刻担心成為被裁目標. 所以, 我好多同事返工o既心情都好灰. v_v...

今次被裁o既同事當中, 有一位ABM, 去年12月先由我分行調去這Branch Relief Team, 而他o既一對孖女, 今個月先剛滿1歲. 所以, 我地分行o既同事, 放工聽到這消息, 都很不開心. 我們不開心, 係因為同這位同事已經共事了2年 - 一個不是很短o既時間. 而且我們個個都替他担心和不開心 -因為而家搵工真係好難, 個個都認為, 一動不如一靜, 如果真係要揀, 都寧願減薪, 都唔想被裁. 不過, 係而家o既經濟狀況, 和各銀行也面對雷曼事件o既訴訟和和解, 我知道大家也有可能隨時面對突如其來o既逆境 , 不過, 希望這些日子快d過, 大家再回復海潚前o既歡樂笑容. 所以, 我地真係要努心, 如真係不幸成為目標, 大家都要記住, 如你自認工作表現沒有偷懶, 便記住被裁不是你的錯, 不要灰心, 有危先有機, 可能你今次o既離開, 亦是好o既開始. 大家千祈唔好放棄自己呀, 記住係世上, 仲有很多關心你o既人, 仲有很多值得你做o既事等住你做呀..... 大家要加油加油呀..... 我祝福大家有一個美好o既明天..... *v*

鮮蝦韮王瑤柱豆腐羹 & 香茜豆腐馬蹄蒸肉餅

今日下午去o左見客, 所以可以早一點回家. 於是, 我就去街市逛逛. 去到海鮮檔, 唔知係咪佢地趕收工, d游泳海蝦隻隻好生猛咁跳跳o下, 賣$25 一斤.... 平時賣成$35-39一斤o既海蝦而家賣$25一斤..... 嘩......... 你睇下d街市檔都可以賺仁咁多, 何況百x & 惠x o既老闆.... 不過, 又係d師奶心理作怪, 買返一斤啦咁扺..... 於是回家上網睇o下d網上食譜, 就揀o左煮"鮮蝦韮王瑤柱豆腐羹" &" 香茜豆腐馬蹄蒸肉餅"... 雖然我第一次煮, 但老公一食就"直豎母指" - 無得頂.... 哈哈... 又成功o左啦... ^v^

公主病??!!

今日老公去o左打波, 放o左工可以好relax 咁上o下網, 玩o下facebook, check o下e-mail... 點知俾我係yahoo.hk見到有個好奇怪o既topic "什麼叫做公主病??" 公主病??!!真係聽都未聽過.....

公主病（公主症候群；Princess Syndrome）是這個物質化社會下的產物，人類從農業社會轉型到工業社會、現代社會，雖然物質生活越來越好，女性無可避免地在不同的環境被灌輸或接觸了公主意識。過去公主病只發生在貴族或富商大賈家庭中的女子，但這個病症已經藉由科技的傳遞與散佈，現代社會形成對物質文明新的意識，而日益擴大到不同的族群。以南韓為例，就對帶有自戀，且自恃甚高的女子，冠上公主病的語言用法。台灣有一部分的風俗重視女兒，為部份平埔族的遺風，父母過於保護、關愛的結果，也產生不少公主病患者。歐美不是沒有公主病患者，只是人們習慣讓子女提早自主，痊癒的速度也比較快，比較早。公主病並不限於年輕女子，也是會有中年、老年女人具備公主傾向。我認為只有很少數的人可以當公主一輩子，大部分的顯然是不可能的，還是早點治癒公主病卡好。公主症候群，簡稱公主病，是某些腦殘女性自以為是公主，自認應該受到公主般的待遇。自認為集三千寵愛於一身，條件很好。 沒有人生目標，因為自己的人生是由男性負責，所以只要挑到好男人就等於有好人生。 對於金錢毫無概念，尤其是他人的金錢。 要求男人出得了廳堂，下得了廚房，進得了富豪排行榜，並且是隨叫隨到的大型犬類動物。 認為未滿175cm的男性是半殘，未滿170cm的是全殘，高於175cm卻比自己+恨地近矮是有一點殘。另外，年紀大一點的視為老殘。 認為做家事、侍奉公婆、帶小孩是黃臉婆的行為，是女人的恥辱。 旅遊(或蜜月旅行)只選擇日本、美國、歐洲國家，認為這些地方才叫人住的地方，反之，別的國家都不是人住的地方。 只想用名牌、吃國外(只考慮日本、美國、歐洲國家)知名餐館...等。 認為英俊的男人可以沒車沒錢，但不帥的男人只要有車(最低底線：法拉利、保時捷、賓士...等名車)、有錢(存款超過五億、大量不動產與房地產)、浪漫、會說英語(非常流利)、會演奏至少任一種西洋樂器(最好還要做大官)才有可能變帥。 認為帥男人的存在是應該，不帥的男人都應該死光，所以不帥的男人必須想辦法證明自己存在的價值。 認為刷爆一堆信用卡、現金卡，然後她的「白馬王子」應該替她還清是件天經地義、公道不過的事。不過，事實證明：大多自認為是公主的傢伙卻成為「刷爆卡之後，找不到人還債，最後成了卡奴」的故事主角。 認為選男人與買衣服同理，所以用盡心機追求名牌，但生活中的地攤貨則隨時可換季。 善於利用好人（不帥、可能沒錢），但很傻很天真容易被壞人玩弄。 對男人而言，很難追、但是很好騙。

唔知你身邊有冇人有公主病呢???

今日放工, 同老公去o左好好味o既小肥牛..... 我地兩個人, 叫o左6個餸, 加埋送o既刺身兩味... 總共8不碟..... 有本地手切肥牛, 肥牛刺身, 墨魚滑, 炸腐皮, 黃喉, 皇帝菜, 鮦魚刺身+椒鹽.... 好好味呀...........

Valentine's Day Party

每一年o既情人節, 都同老公一齊過.... 9 年了..... 到第10年... 我地就攪攪新意思.... 4對夫婦一齊慶祝. 今年, 茄嫂同茄哥提議到我家一齊煮野食, 點知, 攪攪下太多人, 變o左打邊爐. 當日有好多野食, 如最受歡迎o既象拔蝆, 肥牛, 日式胡麻醬, 羊肉, 美國桶蠔, 芝士腸, 牛丸, 貢丸, 芝士丸, 海膽丸, 鮮菇, 鯪魚肉, 金菇, 皇帝菜, 菜心苗, 牛柏葉, 大埔好出名o既菠菜麵同油麵..... 正.... 不過, 我覺得最難得係老公同佢d同事可以一齊放假gathering..... 因為, 佢地一operation, 就好辛苦.....

情人節o既祝福.....

今日好開心, 因為我收到一份獨一無二o既禮物.... 就係由我妹(Crystie)& 妹夫(Stephen)送o既自製情人節蛋糕.... 佢地送給我地o既祝福好warm....

湊B日 ~~~~ 好倦呀..

今日, 約o左奶奶一家人家庭樂 ~~ 飲茶. 我地一行11人, 約12:45到酒樓. 因為我地屋企得一個小bb - 阮穎嵐小姐, 仲有兩個月就兩歲.. 你知啦, 佢呢個時候係最得意, 個個掛住同佢玩, 所以, 私地都攪到成3:00 先埋單. 埋單後, 我地去o左酒樓附近o既公園仔, 陪嵐嵐小姐玩滑梯. 開頭, 嵐嵐有d驚, 要我地扶. 但玩o左一陣, 佢開始大膽. 仲成日諗埋d折徑, 唔行樓梯上, 要學其他比佢年齡大o既小朋友, 由滑梯附近o既架"琴"上去. 玩o左一陣, 我地個個大人俾佢玩到又倦又口喝. 不過, 嵐嵐小姐仲好有氣力, 玩玩下, 又跑o左去另一邊玩搖搖籃. 我地玩到成5:00, 就返o左奶奶屋企小休, 不過唔知係咪太倦, 個個都睡到成7:00先起身食飯.

開工大吉... 一切順利... 身體健康...YEAH YEAH..

嘩.... 真開心, 新一年有一個好開始... 每年新年, 分行所在既商場, 都會搵一隊醒獅助慶, 好熱鬧... 特別係今年, 大家都受到金融風暴影響, 心情不太好... 除o左利是少收o左之外, 大家都想借新一年, 新景氣, 隨著送舊迎新, 將往年好o既野繼續好, 唔好唔順利o既野, 一掃而空. 今年, 係年初九, 我地分行就參與o左商場管理處o既邀請, 搵隻醒獅o黎醒一醒....

今次, 分行經理話叫隻醒獅, 入分行同每個同事個位鞠躬, 醒一醒, 等大家可以借意沾一沾旺氣, 大家都開工大吉, 事事順利.... 當日, 各個參與o既商戶, 都o係指定預備時間內, 掛上有頭o既生菜加一包利是, 用紅繩綁住 . 當日, 我地去Great買o左一棵Organic有頭o既生菜, 呢棵生菜好貴, 成$35, 不過, 真係好香, 特別係當隻醒獅咬碎個菜灑滿大門, 即飄來一陣陣香菜味, 好醒神好FRESH呀............ 祝大家o係新一年, 身體健康, 一切順利, 心想事成, 大吉大利.....