嘩嘩嘩........... 今年香港真係好特別, 特別多雨..... 冇雨就又熱又曬, 真係一出門口就熱死.
夏天, 海鮮就係不錯o既選擇, 特別係貝殼類海鮮, 真係又鮮又好味. 本來一心去到街市, 都係買蜆. 但昨日, 見到好多人買東風螺, $28一斤, 唔知貴唔貴, 不過未試過自己整, 就試下啦.
政府宣傳片都有教啦 " 貝殼類食物, 一定要100%洗淨同煮熟透先至好食, 所以, 我用牙刷幫d東風螺逐粒逐粒洗白白. 嘩!!! 呢個任務真係好苦, d東風螺又滑又唔係咁大粒, 好難先攪掂.
其實, 呢個先至係開始, 因為佢地好多沙泥, 我上網check 過, 起碼要用鹽水浸成晚, 浸完d水, 真係嚇死你, d水係灰色. 可想而知, 我地如果o係街叫, 真係唔好諗佢會好似我咁洗得咁乾淨. 所以, 呢個餸真係有心又有力.
沒有留言:
發佈留言