今日, 我同老公休息o左一個早上, 覺得係時候做o下運動........ 佢提議 1) 跑步 , 2) 打籃球, 3) 行山...... 三個選擇咁多, 識我o既朋友都知我一定揀(3)... 前兩樣都係我0既強項, 所以今次我決定用我最弱的行山去挑戰你(我咁樣同我老公講)....
我地今次行麥理浩徑+鯉魚門徑...
一開始沿華人永遠墳場條1比10的斜路向上行, 行行重行行, 行0左一半, 有兩條分叉路, 一條行上山, 一條向前行, 我就話各上山行, 但我老公話我體力唔夠, 要向前喎, 咁我又順下佢意向前行, 點知向前行條鯉魚門徑好快就行完. 咁之後我地就向麥理浩徑高山上行, 最後去到好高0既山頂, 見到上面有一個炮台同防禦碉堡, 老公話應該係二戰時英軍抵抗日軍0既戰事遺址, 現址而家有中國國旗同區旗.
到5點幾開始落山返歸, 我行到一半已經攰到想死, 對腳好似被AA超能膠痴住0左係地面, 郁極都郁唔到. 好彩有老公半拉半扯先返到屋企.
2 則留言:
腳好似被AA超能膠痴住0左係地面=>你形容得很好, 我行山回程時, 經常都累到提唔起隻腳
係呀.... 仲黏到好實添............
發佈留言