2008 東京之旅 (Day 2 ~ 03/11/2008)

今次o既旅程, 驚喜真係一浪接一浪. 到第二天早上, 因為今日o既行程好緊密, 我地4人一早就起身, 趁臨check-out前, 出屋外影相. 點知, 一開門, 我地o既小木屋, 四周都係好靚o既紅葉. 我同老公即刻影相. 紅葉真係好靚. 到check-out完, 我地出發去下一個目標, 就係輕井沢. 輕井沢個outlet 好大, 不過只係我同茄嫂買o左個agnes b 運動袋. 粉紅色o架. 而且仲平表參道3倍. 不過就係夏天款lor. 之後, 我地到o左輕井沢o既JR站行. 果度冇乜野買. 不過, 我地四人買o左d日本蘋果. 因為佢係信州特產. 我地即刻洗乾淨來食. 嘩........ 好Juicy呀........ Yummy Yummy...

行完又食完, 我地又向下一個目標進發 - 雲場池. 聽講, 果度係日本人影婚紗相o既勝地. 我地一落車, 仲撞到有一對香港男女係度影結婚相. 呢度真係好靚好正. 周圍都係紅葉. 睇完紅葉, 我地又鴐車去草津o既湯畑. 本來我地諗住搵一間"日付" o既去浸, 點知果度勁多人, 全部full. 於是我地唯有係街頭浸腳啦. 浸浸下, 我地遇到一個香港旅行團, 仲遇到老公o既同事同老婆添.

浸完腳, 見到附近有一串燒舖, 我地又買來食. 食完, 我地又出發去松本 - 即我地今晚訓o既地方. 果度好凍, 10度以下. 我地去到酒店, 放低行李, 茄哥提議先浸一浸溫泉, 再去搵野食. 我地鴐車去附近o既100 yen 壽司. 果度雖然平, 但款式唔多. 不過我地一樣玩得好開心. 因為我地發現果度係用touch screen 去order 壽司. 當你所order o既壽司由輸送帶送到, 我地張枱o既screen 就會響. 而且, 我地食完d碟, 係可以係枱面個洞口送走. 好好玩.

玩完又食完, 我地四個大細路就去o左附近一間我地平時唔會去o既機舖, 玩太鼓. 又去附近o既24 小時書店睇書. 之後, 我地係咁凍天氣下, 又返酒店浸溫泉. 咁一天o既旅程, 就完了.

2008 東京之旅 (Day 1 ~ 02/11/2008)

今年, 真係可以話係我人生一個多事o既一年, 有很多事也在改變. 不過, 我同老公一年一度o既旅行, 就係由2008-11-01 晚開始. 呢個旅程真係一個多事之旅, 本來我地仲以為去不成, 但經我地多番努力同老公o既好友~茄哥配合及策劃之下, 終於成行. *v* 我地一行四人 (老公, 我, 茄哥同茄嫂), 由2008/11/01 晚上出發到機場, 乘坐JAL 零辰2時向東京出發, 在4個多小時o既航程入面, 全機滿坐, 冇一個"吉" 位. 我地一上飛機, 就即刻爭取時間休息, 因為, 我地知4-5個鐘頭後, 我地一年一度o既"大玩特玩 ~大吃特渴"之旅就要開始.

我地離開香港o既第一餐, 當然係零辰4點食o既飛機餐. 雖然好倦, 又未訓醒, 但我覺得呢個早餐好好味. JAL好體貼, 佢知道d乘客未訓醒冇乜胃口, 早餐係和式o既熱騰騰o既玉米粥.

我地一落機, 就坐京急線隔2個站o既大鳥居攞車. 我地諗住可以沿途睇多d地道風味同特色野, 特登今次唔行Highway, 點知, 我地忘記o左果日係日本一連三日o既假期開始, 周圍都好塞車. 我地除o左中途停過車去休息同買雪條食之外, 全程都係塞車, 我地用o左成3個鐘, 仲係on the way 去緊第一站o既outlet. 我地等到好唔耐煩, 唯有中途泊底o架車, 行過去. 點知, 去到好失望. 雖然個outlet真係好大好新好多野買, 但就好貴. 我只買o左一件T-Shirt俾細佬. V_V. 去完outlet再去川越小江戶, 睇下果度d江戶時代o既忍者屋. 果度好relax, 成條街都係手信同風味小食店 ~ 有自製蜂蜜雪糕, 炒栗子, 燒雞申, 燒腸仔..... 不過, 除o左食之外, 我地仲係一間專門自製醬料o既店子, 買o左一支和風胡麻醬. 個醬酸酸地, 好開胃.

小江戶呢條街好長, 我地行o左2/3已經天都黑哂, d人都越來越少. 行完小江戶之後, 我地就開始擔心, 點解.... 因為我地以為我地下一站, 即第一既入住o既輕井沢好近, 點知, 原來要成3個鐘車. 我地本來話6:00p.m. 到酒店, 點解而家6點幾仲係川越, 好擔心去到冇屋住, 就週圍去搵酒店. 不過, 因為日本o既假期, 全部full 哂, 好在, 問到最後一間酒店, 果個counter o既人知道我地係遊客, 好好心幫我地打去我地本來book o左房o既hotel. 酒店果方面話等我地, 我地就好急咁係附近o既松屋, 食完牛井, 就向我地當晚o既目的地 ~ 輕井沢 ~ 出發. 我地去到, 個天已經好好黑, 當晚天氣好凍, 我估只有10-12度. 我地book 果間酒店真係好romantic, 獨立小木1屋, 兩層, 下面係大廳, 上面係房. 我住果間房, 屋頂仲有個天窗, 個feel 好正. 不過, 當晚冇星星. 哂O左.

我地放好行李, 就出去搵食. 我地去O左一個食店, 叫O左兩個凍蕎麥麵, 一個炒雜菜同豆腐. 不得不讚果個凍蕎麥麵, 真係好彈牙好正. 到而家仲可以話係暫時我食最正. 食飽飽, 我地四人揸車揸O左一陣都見四圍都關門, 就返酒店訓.

砵砵

牠就是我新收到的禮物, 八哥 - 砵砵.

南灣南灣我愛你

食o左成個月藥, 成個人都成個月無同老公出去玩, 好慘.

上星期, 老公提議我地一齊平日放一日假, 去沙灘游水. 於是, 我地今日一齊去o左港島南區 - 南灣. 本來, 我地兩個人係原意去淺水1灣游, 諗住出名d, d Facility都好d, 點知, 果度不但沙粗 (又多細石), d水仲好濁. 我地諗o左一陣, 以為香港d泳灘d水質係咁麻麻地, 就行深d再睇睇, 有一塊樹葉漂埋o黎, 等o左一陣, 有葉都好正常o者, 附近咁多樹..... 不過, 再睇清楚d - 嘩.... 一塊白色有人用過o既紙巾漂埋o黎 .... SHIT..... 唔係呀嘛... 附近仲有d人係度游水, 佢地點忍呀. 我地兩個人即刻上水. 好唔開心.

老公見到我咁, 又擔心我d皮膚敏感, 於是, 佢問我怕唔怕行20-30 分鐘, 行去南灣游. 都o黎到, 乜都唔怕.

我地一路行, 一路欣賞風景, 好快, 就行到南灣. 我地到果時下午1點左右, 因為係平日o既關係, 冇乜人, 除o左我地, 得2pairs 人, 不過係兩pairs 男. 當我地落到水, 好多蜆仔呀, 佢地好似d指甲咁大, 好得意呀. 突然, 老公 呀o左一聲, 原來除o左蜆仔外, 仲有好多同沙色好似o既魚仔呀..... 好多好得意呀, 我地好想捉o黎睇睇, 不過, 佢地好醒目, 一次都捉唔到. 我突然叫老公 ---- > 唔好郁.... 因為我發現佢d腳毛附近有一條同佢d腳毛好似o既魚仔. 我地捉住佢放o係手上面睇, 佢全身透明, 個魚魚面珠"dun" 兩邊都係綠色, 好cute 呀......... 我地玩到3點幾, 覺得肚餓, 又間唔中落雨, 我地都走. 走o左去銅鑼灣食"峰" 壽司... 盬帶子好味呀.

今日好倦, 要睇完荷媽同初哥哥早d訓先.....