砵砵

牠就是我新收到的禮物, 八哥 - 砵砵.

南灣南灣我愛你

食o左成個月藥, 成個人都成個月無同老公出去玩, 好慘.

上星期, 老公提議我地一齊平日放一日假, 去沙灘游水. 於是, 我地今日一齊去o左港島南區 - 南灣. 本來, 我地兩個人係原意去淺水1灣游, 諗住出名d, d Facility都好d, 點知, 果度不但沙粗 (又多細石), d水仲好濁. 我地諗o左一陣, 以為香港d泳灘d水質係咁麻麻地, 就行深d再睇睇, 有一塊樹葉漂埋o黎, 等o左一陣, 有葉都好正常o者, 附近咁多樹..... 不過, 再睇清楚d - 嘩.... 一塊白色有人用過o既紙巾漂埋o黎 .... SHIT..... 唔係呀嘛... 附近仲有d人係度游水, 佢地點忍呀. 我地兩個人即刻上水. 好唔開心.

老公見到我咁, 又擔心我d皮膚敏感, 於是, 佢問我怕唔怕行20-30 分鐘, 行去南灣游. 都o黎到, 乜都唔怕.

我地一路行, 一路欣賞風景, 好快, 就行到南灣. 我地到果時下午1點左右, 因為係平日o既關係, 冇乜人, 除o左我地, 得2pairs 人, 不過係兩pairs 男. 當我地落到水, 好多蜆仔呀, 佢地好似d指甲咁大, 好得意呀. 突然, 老公 呀o左一聲, 原來除o左蜆仔外, 仲有好多同沙色好似o既魚仔呀..... 好多好得意呀, 我地好想捉o黎睇睇, 不過, 佢地好醒目, 一次都捉唔到. 我突然叫老公 ---- > 唔好郁.... 因為我發現佢d腳毛附近有一條同佢d腳毛好似o既魚仔. 我地捉住佢放o係手上面睇, 佢全身透明, 個魚魚面珠"dun" 兩邊都係綠色, 好cute 呀......... 我地玩到3點幾, 覺得肚餓, 又間唔中落雨, 我地都走. 走o左去銅鑼灣食"峰" 壽司... 盬帶子好味呀.

今日好倦, 要睇完荷媽同初哥哥早d訓先.....

2008-7-20 田中

講起元朗, 有好多人一諗就諗起老婆餅, 其實元朗真係好多野食. 好似我地果晚去o既田中日本料理, 就係表表姐. 佢d三文魚壽司上面果塊三文魚, 就真係經典, 係d壽司飯o既一倍, 好好味呀.....

2008-7-20 三分神射手 - 飛飛

我今日好忙, 因為一早要同老公入元朗比賽. 我地又坐地鐵, 又坐西鐵, 終於到元朗鳳琴街體育舘. 好攪笑, 我老公唔知點解會係代表Tuen Mun警區. 當日比賽好緊湊, 因為係Final, 個個都好緊張. 我老公當日除o左公開組銀牌外, 仲拎埋全場三分神射手, 好犀利呀. 我地都估唔到.

Manning's birthday and gathering

今日同我o既Best Friends Manning & Gigi 聚一聚. 本來今次o既Gathering 應該係6月舉行, 因為Manning 係6月生日, 但果時我又要預備我o既考試, Gigi又去o左旅行, 所以就Delay 到7月.

今次Gathering 我地三個女仔不斷傾傾傾... 傾o左成三個鐘, 傾到口都乾. 我地傾返d中學趣事, 好開心呀. 今日我都好開心, 因為除o左送禮物俾Manning , 我都有禮物收........ 就係上面o既Hello Kitty 指甲油. 呢個指甲油好精緻呀.

2008-7-10 偷得浮生半日閒

出了來工作, 先深明身不由己o既道理.

踏入7月, 我老公因工作關係, 工作時間長o左好多, 一有operation, 好多時返成十幾個鐘, 見佢6點就起身, 10點幾先返, 仲倦到一上床就訓著, 真係辛苦喇老公........... 不過, 佢話過o左馬術奧運, 9月就會好好多.

今個星期, 晚晚都係自己食, 食到好悶. 於是, 我約埋我老公, 星期四放假 (佢就放full day, 我就half day)去未去過o既ELEMENTS 行街. 點知, 呢個shopping mall 一d都唔好行, 設計都唔係咁user friendly. 我地好快就行完. V_V

唯有, 我地坐MTR 去隔離o既奧運站再行過. 今次, 我地兩個人都有收獲. 哈哈, 老公買o左個headphone (佢想買好耐, 因之前佢一路都睇唔o岩), 而我.......... 哈哈... 梗係搵到我想買o既Helly Kitty 頭飾啦..............

行o左一陣, 7點幾, 我地就諗今晚食什麼好呢???? 咁難得一齊放假, 梗係去二人世界啦. 本來, 老公提議食Pizza Box (好掛住佢o既焗三文魚千島醬Pizza) , 不過, 唔知邊度有, 所以我地就去o左奧海城2 期一樓一間京川菜館 - 金滿庭. 等o左成個鐘頭, 終於有位喇. 真開心. *v* 我地坐低, 就order o左怪味雞, 小籠飽同上海粗炒. 我地諗住d冷盤唔係咁大碟, 點知, 三碟d份量都唔細, 食到好好好飽. 不可不題, 佢o既怪味雞真係好好味. 個醬酸酸辣辣咁, 好開胃, 我地對呢個菜讚不絕口. 仲有, 佢o既西湖龍井都好香好好飲. 不過, 一坐低都未order 餸, 一開茶就有o既價值$12o既前菜 - 酸青瓜就唔係咁好食.

辣酒煮花螺

嘩嘩嘩........... 今年香港真係好特別, 特別多雨..... 冇雨就又熱又曬, 真係一出門口就熱死.

夏天, 海鮮就係不錯o既選擇, 特別係貝殼類海鮮, 真係又鮮又好味. 本來一心去到街市, 都係買蜆. 但昨日, 見到好多人買東風螺, $28一斤, 唔知貴唔貴, 不過未試過自己整, 就試下啦.

政府宣傳片都有教啦 " 貝殼類食物, 一定要100%洗淨同煮熟透先至好食, 所以, 我用牙刷幫d東風螺逐粒逐粒洗白白. 嘩!!! 呢個任務真係好苦, d東風螺又滑又唔係咁大粒, 好難先攪掂.

其實, 呢個先至係開始, 因為佢地好多沙泥, 我上網check 過, 起碼要用鹽水浸成晚, 浸完d水, 真係嚇死你, d水係灰色. 可想而知, 我地如果o係街叫, 真係唔好諗佢會好似我咁洗得咁乾淨. 所以, 呢個餸真係有心又有力.