Japanese Beef Rice 日式牛肉飯

阿飛係一個好注重健康o既人, 平時我地都多菜少肉....... 唯獨是日式牛肉飯最令佢著迷..........

我今日o係雜誌, 就見到一篇有關於 -- 日式牛肉飯o既介紹, 仲教埋煮法......... 一碗香噴噴o既日式牛肉飯就咁誕生啦 *v*..........

Mummy Birthday

上星期日, 係媽咪生日, 我地諗o左好耐食咩好, 於是去o左尖沙咀食韓國燒烤....... o個日好多人, book o左枱都要等一陣....... 我地一家八口, 食到好飽........ 雖然好熱氣, 但我見大家都燒得好開心, 好好玩, 我同crystie怕熱氣, 不斷出去拎西瓜俾大家食........

Bean Curd Cake with Mushroom 冬菇蔥菜素肉餅

今日食完lunch, 又未夠鐘, 就係公司附近間7-Eleven睇o下書... 睇睇下, 俾我發現一本個封面食譜, 入面全部都係用豆腐整o既菜式... 你知啦, 豆腐係一樣好健康o既食物, 又有益, 於是就買o左呢本書... 入面有一道 -- 冬菇蔥菜素肉餅, 睇落好易煮, 於是今晚就試o下整..... 清清地, 真係好好味呀.........

My Florist

Hello Kitty Town

上星期日, 德福廣場有個Sanrio 展覽, 好多 My Favourite ----- > Hello Kitty 呀.......

HK Wetland 香港濕地公園

上星期日, 我同飛飛去o左一個又新又遠o既地方 (對我來說), 香港濕地公園....... 我地兩人一早出發, 由屋企坐 ----> 地鐵 ----> 西鐵 -----> 輕鐵 ... 終於o黎到我地o既目的地 - HK Wetland 香港濕地公園.

我地o係門口影完相 (巡例做個紀念, 等老o左都記得自己去過邊嘛).... 就一般都市人o既心態, 去影院, 涼涼冷氣先....... 跟住, 做足心理準備, 食埋tea.. 出發.......

我地由室內有冷氣o既地方, 漫漫步向大自然........ 濕地公園真係好大 (行o左三個鐘, 仲有起碼一半未行), 又多野睇.... 好多花........ 好靚.......... 好彩我地果日陰陰天, 如果唔係, 一定行得好辛苦............

Thai Fried Pork 泰式燒豬頸肉

平時成日食燒豬頸肉, 以為好難煮..... 點知今日我返工時, 拿了份免費報紙, 睇到有食譜教整泰式燒豬頸肉... 咪試o下, 原來都好簡單...

材料:

豬頸肉200克, 香茅1枝, 檸檬葉3片, 芫茜根1棵, 乾蔥1粒, 指天椒2枝, 魚露1 1/2湯匙, 糖2茶匙, 青檸汁少許

汁料:

暖水2湯匙, 泰國青檸1/2個把取汁), 泰式甜辣雞醬1湯匙, 蜜糖1茶匙, 魚露1荼匙, 芫茜碎適量

做法:

1. 香茅 , 檸檬葉, 芫茜根, 乾蔥和指天椒切碎待用....

2. 在豬頸肉上切割幾刀, 把其餘材料平均塗上, 醃3小時以上

3. 預熱焗爐至210度, 把豬頸肉上的醃料撥走後用錫紙把肉包好, 放入焗爐中焗15分鐘後, 打開錫紙再焗15分鐘或至熟

4. 取出焗好的豬頸肉切件, 把汁料材料拌勻即可食用.....