啞女的日子

每一年冬天, 流感就係我地最怕的病. 早幾日, 我就感染o左流感, 發燒又請o左病假. 本來好返少少, 不過, 星期三放工後要同一大班自己區o既同事offsite, 企係尖沙咀金馬倫道, 企足5個鐘. 我自己雙知自己事, 所以都做足預防 - 羊毛底, 冷頸巾..... 但係, 都抵抗唔到病魔.... 當晚, 距離放工時間仲有一個鐘, 發覺自己把聲,收開始變.... 變o左男人聲........ V_V.... 大件事........

第二日我即刻去睇醫生, 醫生話我講野太多, 感冒菌入o左聲帶...... 大件事, 出唔到聲, 什麼都講唔到, 好慘. o係呢兩日, 一d野都講唔到. 好慘, 好悶. 我而家明白d啞人o既內心, 真係好空虛. 想講什麼都講不到, 又有誰會明自己啦.

Birthday Party - Shan and Me

每年1月, 我都會同妹妹Shan Shan有一個共同o既Birthday Party..... 因為我地都係一月份o既山羊座壽星女. 今年, 我妹妹Crystie and 妹夫Stephen就好辛苦咁同我地o係佢屋企籌備o左一個生日會. 本來, 我地原意係o係佢地屋苑o既燒烤場BBQ... V_V , 不過, 因為近日天氣極凍, 我地就改變計劃, o黎一個暖粒粒o既打邊爐.....

當日, 最辛苦o既莫過於Stephen and Crystie. 因為, 佢地為o左預備一個暖粒粒&豐富o既打邊爐, 好辛苦咁係極凍o既天氣之下去買好多野食, 所以真係好多謝佢地. 不過, 當晚, 最美中不足, 就係Daddy因為鋪頭當日太忙, 臨時o黎唔到... V_V... 不過, 我地都留o左件天使蛋糕帶返屋企俾佢食.

打完邊爐, 我地仲陪Mummy打返幾圈先各自回家, 返到屋企, 都成點了....... 雖然當日好倦, 天氣又凍, 不過一家人一齊暖粒粒咁打邊爐, 真係好warm好開心...

Calico wedding(布婚)-(正式出閣)

2007年1月8日, 我終於同我男朋友阿飛結束8年的愛情長跑, 正式出閣. 兩年前今日, 天氣好凍, 即都係2007年第一個天文台發出o既寒冷天氣警告. 而我當日, 亦有一個好難忘o既婚禮 - 因我老公係結婚前一日打波弄傷o左椎間盤(腰椎), 行都行唔到, 好在佢一向做開運動, 果日佢怕我唔開心, 佢忍住痛, 不過d相影而家睇返, 佢個咀痛到白哂, 好慘. 不過, 唔好o既野都過o左去. 係呢兩年, 我o既婚姻有開心, 亦有唔開心. 好快, 已到o左我倆2週年結婚紀念. 因為老公工作上有operation, 請唔到假, 所以我地改o左後一日, 9/1 一齊放假.

今日天氣又係好凍, 天文台係九龍城, 仲錄到同北區一樣o既溫度-9.8度. 哈哈, o係咁凍既日子, 我地訓到成12點先起身, 跟住睇碟, 打機... 好無聊咁又過o左一日. 不過, 對於我地兩倨咁忙o既人o黎講. 好難得一齊放假, 好開心...... 到晚上, 我地終於為兩週年紀念揭幕.... 一齊煮飯仔.. 老公同我一齊整沙律, 煮牛排, 煲羅宋湯.. 我地仲開o左支紅酒. 好開心. 老公, I O U.....

HAPPY BIRTHDAY

唔經唔覺又一年, 又大一歲啦!!!!!!!! 今年我o既唔birthday同以往好唔同. 以前o既我, 一切以拍拖為上, 每年生日, 我覺得一定要男朋友二人世界, 知係咪結o左婚o既原固, 定係個人大o左, 今年我生日當日, 同老公訓醒後,就返o左上水同媽咪飲茶. 唔知點解, 我覺得我出世當日, 最辛苦係媽咪. 因為我出世果日天氣好凍, 又係媽咪第一胎, 媽咪好辛苦, 所以, 我一定要同媽咪慶祝.

而老公, 除o左陪足我兩日, 仲送o左一部netbook俾我. 呢部netbook我想要好耐, 因為老公係一個網痴, 好鍾意上網上好耐. v_v 通常, 我都冇機會上網, 哈哈.... 以後就唔同喇.... 因為我可以成日online... 老公... 你真知我心意.........多謝老公..........