結婚2週年紀念 - 註冊篇

今日係一個好特別o既日子, 因為係.... 我同老公結婚(註冊)2週年紀念. 我地今日約好o左, 一齊準時放工就去觀塘APMo既和花亭. 因為, 果度好誇張, 一到食飯時間, 就要排隊, 要等好耐.

果度D壽司, 好好味, 係手握o既. 仲有, 食得飽飽地又有得玩 - 就係鬥快按制 Order Special, 因為每個Special 只得5份或者少到2 份......... 有時有d special 冇乜人order, d壽司師傅就會攪氣氛, 吸引d食客注意, 好似今日份芝士燒紅倉魚就係一個例子.

我地今日食o既special, 就係上面o既芝士炸軟殼蟹蛋卷..... 好好味呀, d蛋甜甜地, 好sweet 呀.......

食到飽飽地, 行o左一陣, 發現o係商場另一個通往地鐵站o既出入口, 做緊一個展覽, 原來, 係我老公o既偶像 - 詹瑞文呀.... 佢o個d"萬千師奶賀台慶"Look, 真係好正呀.

不過, 歡樂o既時光真係過得特別快, 因為我要預備考試, 所以食完就要返屋企.....

自製Hello Kitty 焦糖布丁

今日天氣好熱, 有成30幾度.. 好想食一d凍野. 所以就用上次買返o黎o既Hello Kitty 模, 再加奶同布丁粉, 就整o左好好味o既Hello Kitty焦糖布丁喇, 你地話o係咪食得開心又凍得透心呢....

巴巴閉粟米片

香港人工作真係好忙, 好在有blog o既發明, 先到可以同d friend keep 住好close o既contact.

果日, 冇意中發現我好友Manning o係佢o既blog買o左一盒好巴閉o既kellogg's 粟米片, 要成$50, 而且佢o既friend Eunice, Fion 同肥安都有推介, 講到好正, 咁o係我好奇心之下, 咁貴都試一試.

我果日去到supermarket, 見到粟米片大減價, 原味$38.9 二盒, 但呢一隻, 特價都要成$41.9, 仲得返一隻味 - Red Berries, 得返4盒, NO CHOICE, 就買佢啦.......

返到屋企, 即刻拎出o黎試o下, 一開..... 嘩..... 好多士多啤梨肉呀...... 好開心呀..... 我好鍾意食士多啤梨呀...... 我即刻用脫脂奶加埋黎食, 好正呀, d粟米片同原味真係唔同, 加o左奶都唔會咁快霖....... 仲有, 當你發現, 你一匙粟米片加士多啤梨肉, 果種好味o既感覺係好frensh呀. Calories 6%, Total Fat 0%..... 真係好健康.... Manning, 你o既推介真係好正..... .

西瓜西瓜 I O U

嘩.... 好美味o既西瓜呀............

偶像Kelly 陳慧琳結婚喇!!!!!!!!!!!!

而家仲放緊大假, 好好咁享受自己o既生活. 原來忙裡偷閒, 來一個小休, 真是很不錯.

點解我仲係香港唔去旅行, 咪因為要預備考試lor.... 加油加油!!!!!

今朝一起身, 上網發現我中學時代鐘意o既偶像Kelly Chen o係尋日最後一場紅館封館裝修前o既演唱會上, 宣佈同拍o左拖成15年o既男友Alex結婚. 好感動呀........ 我鐘意Kelly, 除o左因為佢靚之外, 仲因為佢好nice, 沒有明星架子, 當然啦, 佢唱歌都好好聽. 仲有, 佢對男友o既執著, 認真與堅持, o係而家o既社會, 真係越來越難搵. 而家o既男女, 不論結o左婚與否, 都要講新鮮感, 講真, 邊有咁多新鮮感. 拍拖or結婚耐o左, 大家o既愛情絕大多數變o左做感情. 其實, 大家唔好以為呢個時候雙方感情轉淡, 而係大家o既感情昇華到另一個層次, 雙方應該好好珍惜, 因為人生在世, 雙遇已經不是易事, 何況成為男女朋友 or 夫婦. 所以, 真係要講一句, Kelly 恭喜你呀, 希望你地執子之手, 與子偕佬..........

Father's Day @ Tutto

今年父親節, 我地去o左一間意大利餐廳到慶祝. 當晚, 我地book o左位都要等一陣.

入到去, 我地點o左意大利海鮮飯, 海鮮墨魚汁麵, 意大利pizza 2款, 西冷牛排, 羊排, 白酒煮青口, 芝士焗茄子, 芝士飯團, 炸雞翼等.... 樣樣細細碟, 好多款....... Daddy 都唔知食得幾開心呀.........

2008-6-13 DSA Ceremony@Grand Hall (會展)

計劃的目的

對成功推銷員作出的貢獻給予充分認許。
協助提高推銷術的質素。
建立市場推銷的形象，使成為享有聲譽的專業。

2008-6-13 對我來說, 是人生一個轉捩點. 因呢一晚係對我工作上o既表現, 作出了一個重大o既肯定. 因為今年, 我能夠代表公司去參加由HKMA 主辦o既第40屆DSA (Distinguished Salesperson Award). 這個award係全港性, 全球認可o既. 參賽公司有很多不同行業, 有銀行, 郵政局, 電訊, 保險.... 總知所有同Sales 有關o既行業都有參加. 當日, 經濟日報同South China Morning Post都有登我張相). 傑出推銷員獎項計劃在1968年成立，這是一項國際盛事，旨在讓公眾對各出色的推銷人員給予認許。這項選舉在1950年發源於美國，現在已獲得全世界推銷精英的認同，成為推銷員至高榮譽的標準。

由上年開始準備, 今年3月去參賽, 到現在o既ceremony, 公司都俾o左我地好多支持同鼓勵. 頒獎禮當日, 我地5名得獎人, 一早就要去會展rehearsal. 到下午, 我同我d同事便用了3個鐘頭去化妝同set頭 (嘩, 我而家知點解d名媛去ball要攪成日, 原來就係為o左今晚). 我個髮型同妝靚唔靚呀????? 全部出自我妹妹crystie手, 佢好犀利, 化妝時又好細心, 個妝成晚仲keep 得好靚. 佢仲派埋佢老公, 我妹夫 - stephen為我影相. 哈哈, 我係咪好幸福呢??!!! *v* 全程有專人服侍.

到等上台果一刻, 我好緊張. 因當晚有好多guest, 我條裙又長. 當spot light 影住我, 司儀讀我公司名同我個名, 嘩......... 我同台下面支持我o既同事揮手, 好開心呀... 司儀仲讚我條裙同個髮型靚 (佢當住全場觀眾講, 攪到我都好突然).... 當晚, 成個ceremony好長, 攪到好夜, 又落好大雨. 好在, 有個同事好好人, 見我地咁多野拎, 送埋我地返屋企).

久違了o既Hello Kitty 公仔

昨天端午節, 返屋企時, 發現到呢對Hello Kitty. 佢地o係我老公同我拍拖時老公食麥記加$$換俾我o既... 我記得果時有好多款, 但我唔知點解, 偏偏鍾意菠蘿同西瓜. 唔知係咪同我老公鍾意食菠蘿, 我鍾意西瓜有關呢........... 而家呢對公仔 o係邊... 梗係放返o係我屋企啦. 唔覺唔覺, 我屋企都收藏o左好多Hello Kitty.

2008-6-8 Crystie's 生日派對+騎馬BBQ

今日係端午節, 適逢又係我妹妹Crystie 生日, 咁多人可以o係公眾假期放假一齊出來敍一敍, 呢d機會, o係大家出o黎做野後, 真o係好難得 (因為我屋企人大部份都係返shift).

所以, 我地一早就book o左呢間騎馬BBQ, 怕端午節多人book 唔到. 點知, 上星期日日o係咁落雨, 前一日仲有埋黑雨....... 唉. 我地都即刻book o左另一個hotel o既buffet 做後備. 好在, 上天都好眷顧我地o既苦心, o係當日中午, 個天開始出太陽, 仲幾清. 我地一行八人, 就o係咁........... 出發......

呢個騎馬BBQ好特別, 食物款式就唔太多, 我地騎果d馬, 都係一d已經退o左休o既冠軍馬... 好犀利呀... 而且, 我地仲可以餵佢地食紅蘿蔔. 我地玩到成6點幾, 就返媽咪度切蛋糕同攻打四方城.......

2008-6-6 Steven's Farewell Party @ Grand Hyatt

今晚係一個好特別o既時刻, 因為我工作上o既Partner - Steven Leung 將會離開我地bank, 去另覓新天地. 除o左我之外, Steven o係另一位o係我地branch 做得耐o既同事 (唉!!! 唔講唔知, 我地branch o既FS 同事 turnover rate 好高, 平均每個FS 做一至兩個月, 好犀利呀..........)

我地今晚去o左灣仔Grand Hyatt, 聽聞都好食. 當晚既主題係海鮮Buffet, 但好失望, 冇生蠔..... *^*

而我地覺得, 呢度唯一重頭戲, 就係相入面, 要我地等o左成45mins 先有得食o既 芝士焗龍蝦仔..... 呢隻龍蝦仔, 每次出爐5-7隻, 每人又冇限攞幾多, 我地試過排第三, 都冇.... 唉, 鬼叫果度d choices 少, 呢個新鮮焗o既龍蝦仔, 自然好似d新一款o既LV咁, 成為搶手貨啦, 個個一攞就3-4隻.......

好在, 我等o左成晚, 都試到.