又大出血 - Sogo 感謝日

同Manning傾開電話, 先知原來今個星期五23/05 開始係Sogo半年一度o既感謝日. 於是同個同事星期五一早返o左工, 就研究我地應該lunch hour 去掃平野定放工. 我同事Vivian o係一個o係銅鑼灣做o左好多年野o既人, 佢話憑佢經驗, 放工一定好好好好迫, o係平時o既幾倍.

嘩, 真係不敢想像. 於是, 我地定o左目標, 一lunch hour, 就飛奔去坐mtr 去sogo. 我地第一個目標係sofina. 但我係一個唔用得美白產品o既人, 左睇右睇, 我都係買返用開o既wrinkle seraty & repair program, 雖然佢地冇set 裝, 但都有9折.

跟住, 時間好緊迫, 我地就好快手1咁走o左去sofina 後面個counter - Anna Sui. 我地今次個target就係果set $290 o既 - 胭脂, 唇膏, 玫瑰香味潤手霜........ 胭脂同唇膏o既色仲可以任揀...... 真係好... 買完, 我地仲走o左去貼滿50% off o既vivienne westwood. 但原來得一行袋同兩行銀包係半價....... 有d失望....

由於時間好緊迫, 我地去o左sogo 後街食o左一碗水蛟河就要坐mtr 返工.... 時間o岩o岩好一個鐘.

而今日, 我就去o左tst o既sogo 睇下. 因為IPSA 買滿$600 送多一set ESSENCE MOISTURE, 美白洗面膏同美白系列o既lotion (呢個package 係tst sogo先有). 所以, 今日一放工, 即刻去買.

本來, 仲想睇o下有冇其它野o岩, 但係, 行o左一陣, 都覺得唔係樣樣都咁抵. 於是就回家喇. 不過, 我真係好多謝manning 呢個friend, 我先知有咁正o既box set promotion.

海鮮炒扁意粉 & 日式清酒煮花蜆

日式清酒煮花蜆

海鮮炒扁意粉

今日放o左一日假, 諗住溫書 (因6月就要考試). 點知, 自己好懶, 好倦, 都冇溫....

個天係咁落雨, 又冇地方可去, 更加唔想出去俾雨淋濕, 所以, 唯有就落去惠康行行...... 諗o下今晚食乜先....... 今日有咁多時間去準備, 就試o下煮d新野, 等老公有驚喜啦.......

今日D蜆好新鮮, 就買d試o下.......

返到屋企, 第一時間梗係上網搵啞老師求救...... 發現大部份 Discuss Group 都話好容易... 咁我就跟住煮.....

蒜蓉, 洋蔥, 清酒, 清雞湯同水..... 煮到d蜆開哂口就食得喇........ haha. 不過記住用鹽水浸 o下d蜆, 等佢吐o左d沙出o黎先好開始煮呀. 如果唔係就大件事喇........

2008-5-13 Crystie's Midwives' Graduation Ceremony & Poor Hello Kitty V_V

尋日, Crystie助產士畢業禮, 我好開心同好榮幸可以出席, 因每位畢業生只可邀請2位親友去觀禮, 好在Crystie o既同學有位多o左, 所以我都成為席上嘉賓. 我同老公o係兩個星期前, 已經買o左一隻Hello Kitty 畢業公仔, 諗住作為禮物. 點知大意o既我掛住拿相機同Video Camera, 唔記得o左帶埋
Hello Kitty, 好在阿初買o左一扎好靚o既粉紅色玫瑰....... 如果唔係............

Paella 西班牙海鮮飯

賣相精美....青的如翠玉, 紅的如玫瑰...無錯, 呢個就係令人一見就垂涎欲滴的西班牙海鮮飯. 聞到都香噴噴. 食落真係無辦法唔大叫一聲好一個日本av女郎::::夕樹舞子(直豎拇指). E之棒呀!
以上0既說話都係出自食呢個飯0既人的第一身經歷.

Fukien Styke Fried Rice福建炒飯

我記得以前讀U時, 成日同飛飛去宿舍附近間酒樓食Lunch, 第一次食福建炒飯就食上癮, 好好味... 今日放假就學o下煮, 懷緬一下過去...........

2008 Mother's Day 母親節

母親節, 係一個大日子...... 為o左令媽咪開心, 花同排隊搵位飲茶, 一定係唔少得o既禮物..... 但係, 年年都係去買一扎人地扎好o既鮮花, 好似冇乜特別...

為o左令媽咪有一個又難忘又特別o既母親節, 今年我同老公就攪攪新意思, 設計o左成個禮拜, 四周圍去搵材料, 再用o左3個鐘時間, 終於自己親手製作o左一扎花 (原意係玫瑰花, 但係完成後似紅掌多d... 哈哈....) , 送俾偉大o既媽咪 (我仲用o左一支新買o既Anna Sui花香味o既香水去噴佢, 呢支香水我都未噴過.... 可想而知媽咪係我心目中o既份量幾重要)....

媽咪收到扎花好開心, 除o左因為扎花唔會凋謝, 可以永久保存外, 最主要係扎花係我同老公親手為佢設計, 為佢一個人而做, 全世界得佢一個有. 哈哈........ 媽咪.... 母親節快樂......

Japanese Beef Rice 日式牛肉飯

阿飛係一個好注重健康o既人, 平時我地都多菜少肉....... 唯獨是日式牛肉飯最令佢著迷..........

我今日o係雜誌, 就見到一篇有關於 -- 日式牛肉飯o既介紹, 仲教埋煮法......... 一碗香噴噴o既日式牛肉飯就咁誕生啦 *v*..........

Mummy Birthday

上星期日, 係媽咪生日, 我地諗o左好耐食咩好, 於是去o左尖沙咀食韓國燒烤....... o個日好多人, book o左枱都要等一陣....... 我地一家八口, 食到好飽........ 雖然好熱氣, 但我見大家都燒得好開心, 好好玩, 我同crystie怕熱氣, 不斷出去拎西瓜俾大家食........

Bean Curd Cake with Mushroom 冬菇蔥菜素肉餅

今日食完lunch, 又未夠鐘, 就係公司附近間7-Eleven睇o下書... 睇睇下, 俾我發現一本個封面食譜, 入面全部都係用豆腐整o既菜式... 你知啦, 豆腐係一樣好健康o既食物, 又有益, 於是就買o左呢本書... 入面有一道 -- 冬菇蔥菜素肉餅, 睇落好易煮, 於是今晚就試o下整..... 清清地, 真係好好味呀.........

My Florist

Hello Kitty Town

上星期日, 德福廣場有個Sanrio 展覽, 好多 My Favourite ----- > Hello Kitty 呀.......

HK Wetland 香港濕地公園

上星期日, 我同飛飛去o左一個又新又遠o既地方 (對我來說), 香港濕地公園....... 我地兩人一早出發, 由屋企坐 ----> 地鐵 ----> 西鐵 -----> 輕鐵 ... 終於o黎到我地o既目的地 - HK Wetland 香港濕地公園.

我地o係門口影完相 (巡例做個紀念, 等老o左都記得自己去過邊嘛).... 就一般都市人o既心態, 去影院, 涼涼冷氣先....... 跟住, 做足心理準備, 食埋tea.. 出發.......

我地由室內有冷氣o既地方, 漫漫步向大自然........ 濕地公園真係好大 (行o左三個鐘, 仲有起碼一半未行), 又多野睇.... 好多花........ 好靚.......... 好彩我地果日陰陰天, 如果唔係, 一定行得好辛苦............