表妹

呢個就o係我表妹(Uncle 5個細女)啦........ 佢20個月大, 但佢好犀利, 全程自己行, 又成日食野, 真o係好犀利.............. KFC雞, 雞皇飯, pepsi, 魚一丁冷麵, BB糊仔,............ 由我地3點幾見面食到8點, 樣樣都食, 其間我地去o左玩具反斗城, 佢停o左一個鐘, 好好好勁........ 其實20個月大即1歲幾, 我記得我果時只食BB糊仔 同奶奶, 唔通外國d BB勁D........ 不過, 佢學野好快, 我地做d野, 佢睇一次試一次就識......... 而家d BB真o係唔可以睇少.........

Long Long Time no see

今日好倦, 因為我Uncle 5 同屋企人一家四口o係加拿大返o左香港......... 我今日同我兩個妹陪佢一家人去o左tst行o左半日........ 話時話, 我uncle 5已經有成十年冇返hk. 佢成個人好似食o左防腐劑咁, 一d都冇變, 真係唔好唔信男人真o係長青d.......

今日我地本來諗住行LV, 因我aunt 話想睇下佢o係加拿大搵唔到個款o係hk有冇...... 其實我自己星期六日or假期就好少去tst or 旺角, 因實在太多人.......... 但今次真o係好恐怖, harbour city o既LV門口排長龍, 成三個圈, 我地行o左兩次都咁多人 (好多都係黃金周o既內地同胞)....... 實在太恐怖

My BIG Day 2007-1-8

結婚果日好好好凍呀, 係今年最凍的一日, 有寒冷天氣警告, 哈哈, 但我一d都唔凍.......... 果日好忙, 好彩我屋企人好幫我手, 仲有仲有, 我有一班好姊妹Crystie(妹), Shan(妹), Manning, Gigi, Terry, Sandy& Bonnie, 佢地果日都好辛苦, 真係好多謝你地呀..............:)

婚紗相(1)

我今日係阮太喇 (註冊) 2006-6-23

自今日起, 我就係阮太喇. 我記得果日好熱, 天文台仲發出皓熱天氣警告, 當日好多我同我老公o既好朋友o黎觀禮. ^v^

結婚啦!!!!!!!!!!!!!

結婚係人身大事, 而我亦o係2006年6月23日註冊, 2007年1月8日結婚啦...... 我同我老公拍o左好耐拖喇, 98年到而家......... 雖然拍o左拖咁耐, 但我都仍然學習緊點樣可以同佢天長地久, 好深o架.... 不過, 而家仲係新婚, 每一日都過得好開心, *v*